नंदुरबार l प्रतिनिधी
नंदुरबार शहरातील वाहतुकीची समस्या कायमस्वरूपी सोडवण्यासाठी जिल्हा पोलीस अधीक्षक पी.आर. पाटील यांनी वाहतुकीची कोंडी होणाऱ्या भागासह इतर भागाची केली.
नंदुरबार जिल्हा पोलीस अधीक्षक पी.आर. पाटील यांनी शहरातील वाहतुकीच्या समस्यांचा निवारण करण्यासाठी आज नंदुरबार शहरातील मोठा मारुती, धुळे चौफुली,अंधारे चौक, बस स्थानक परिसर, नेहरू पुतळा , हाट दरवाजा, गांधी पुतळा, पंचायत समिती कार्यालय जवळील उड्डाणपूल, सीबी पेट्रोल पंप,गिरीविहार गेट या भागात तसेच
नंदुरबार शहरातील सर्वात गजबजलेला परिसर मंगल बाजार,सुभाष चौक, जुनी नगरपालिका, मुख्य बाजारपेठ, नूतन कन्या शाळेजवळील बाजारपेठ या भागात वाहतुकीची समस्या मोठ्या प्रमाणावर होत असते त्याला अनुसरून नंदुरबार जिल्हा पोलिस अधीक्षक यांनी
संपूर्ण या भागाची पाहणी करून या परिसरातील वाहतुकीची समस्या कायमस्वरूपी सोडवण्यासाठी नंदुरबार जिल्हा पोलिस दलातील वाहतूक विभागाचे पोलीस निरीक्षक सुनील नंदवळकर यांच्यासमवेत शहरातील विविध ठिकाणी वाहतुकीची समस्या उद्भवणार्या भागात जाऊन पाहणी करून
त्या ठिकाणी कोणत्याही प्रकारची अडचण निर्माण होणार नाही आणि वाहतुकीस सर्वसामान्य जनतेस सदरचा परिसर कशा पद्धतीने खुला राहील या दृष्टीने उपाययोजना करणेबाबत नंदुरबार शहर वाहतूक शाखेचे पोलीस निरीक्षक सूनील नंदवळकर यांना सूचना दिल्या.
तसेच वाहतुकीचा प्रश्न निकाली काढण्यासाठी उपाय योजना करण्याबाबत देखील मार्गदर्शन करण्यात आले यावेळी नंदुरबार उपविभागीय पोलिस अधिकारी सचिन हिरे , शहर पोलिस ठाण्याचे पोलिस निरीक्षक किरणकुमार खेडकर , वाहतूक शाखेचे पोलीस उपनिरीक्षक गांगुर्डे, पोलीस कॉन्स्टेबल शैलेंद्र माळी यांच्यासह वाहतूक विभागाचे पोलीस कर्मचारी मोठ्या संख्येने उपस्थित होते.
