नंदुरबार l प्रतिनिधी
नंदूरबार शहरातील बायपास वळण रस्त्यावर डंपरने अचानक ब्रेक दाबल्याने दुचाकी डंपरवर धडकल्याने दोघे जण जखमी झाले असून डंपर चालकाविरुद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, साक्री तालुक्यातील जैताणे येथील आनंदा रतन चव्हाण व मित्र दत्तात्रय मल्हारी जाधव हे दुचाकीने (क्र.एम.एच.१८-३००७) जैताणे येथील शिक्षक भिमराव गावीत आजारी असल्याने त्यांना नंदुरबार येथे पाहण्यासाठी जैताणे येथून नंदुरबारकडे येत होते.
यावेळी नंदुरबार शहरातील विलासराव देशमुख ट्रक टर्मिनल समोर वळण रस्त्यावर बाळू शिवराम माळी रा.वडनेर जुमला ता.नाशिक याने त्याच्या ताब्यातील डंपर (क्र.एम.एच.१५ सीके ८६८७) भरधाव वेगात चालवून दुचाकीला ओव्हरटेक करीत असतांना अचानक ब्रेक दाबल्याने मागून येणारी दुचाकी डंपरला धडकल्याने अपघात घडला.
घडलेल्या अपघातात आनंदा चव्हाण व मल्हारी जाधव यांना दुखापत झाली. तसेच दुचाकीचेही नुकसान झाले. अपघातानंतर डंपर चालक घटनास्थळावरुन पसार झाला.
याबाबत आनंदा चव्हाण यांच्या फिर्यादीवरुन नंदुरबार शहर पोलिस ठाण्यात डंपर चालक बाळू माळी याच्याविरोधात भादंवि कलम २७९, ३३७, ३३८, ४२७ सह मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोहेकॉ.जयसिंग गाावित करीत आहेत.