नंदुरबार l प्रतिनिधी
वल्लभ कुलभूषण वैष्णवाचार्य प.पु १०८ व्रजराजकुमारजी महाराज यांचे मंगळवारी दुपारी नंदनगरीत ढोल-ताशांच्या गजरात वाजत-गाजत आगमन झाले. यावेळी भाविक भक्तांनी श्रीनाथजींच्या जय घोष करीत पुष्पवृष्टी केली.
बृहत गुजराती पुष्टीमार्गिय वैष्णव वणीक समाजातर्फे धार्मिक कार्यक्रमांचे आयोजन करण्यात आले आहे.प.पु व्रजराजकुमार महाराज यांचे मंगळवार दि.१० मे रोजी दुपारी ३ वाजता शहरातील मोठा मारुती मंदिर परिसरात आगमन झाले. सायंकाळी बाबुभाई चक्कीवाला गुळवाडीत प.पु व्रजकुमार महाराज यांनी समाजाच्या पदाधिकाऱ्यांशी हितगूज व मार्गदर्शन केले.शहरात प.पु व्रजकुमार महाराज यांच्या वतीने सामाजिक, शैक्षणिक उपक्रम सुरू आहेत. त्यात वैष्णव समाज कसा अंतर्मुख होईल याची रूपरेषा यावेळी ठरवण्यात आली.
आज बुधवारी दि.११ मे रोजी सकाळी ९ ते १० वाजे दरम्यान देसाईपुरा परिसरातील पुष्टीधाम येथे ब्रह्मसंबंध ( गुरुमानने) कार्यक्रम होईल. त्यानंतर देसाईपुरा येथील पोरवाडवाडीत रात्री ८ ते १० दरम्यान जाहीर प्रवचन होईल.यावेळी समाजाध्यक्ष विनयभाई श्रॉफ, बकुलभाई शाह,हरेश पारेख,डॉ.नुतन शाह,भरत शाह,वीरेंद्र वाणी,रोहित शाह,लालाभाई वाणी,राजेंद्र वाणी, कौशिक शहा,राजेश शहा,रजनीकांत शाह, पियुष वाणी,नलिन शाह, अनिल शहा व वैष्णव समाज बांधव उपस्थित होते.