नंदुरबार l प्रतिनिधी
राष्ट्रवादी काँग्रेस भटक्या विमुक्त जाती जमाती मागासवर्गीय फ्रंटलर सेलचे उपाध्यक्ष नरेश पवार यांनी केलेल्या पक्षाच्या उत्कृष्ट संघटन कौशल्य आणि कंजरभाट समाजासाठी केलेल्या कार्याबद्दल राष्ट्रवादी काँग्रेसचे अध्यक्ष खा . शरदचंद्र पवार यांच्या हस्ते नरेश पवार यांना पुरस्कार देवून सन्मानित करण्यात आले .
मुंबई येथील माजी मुख्यमंत्री यशवंतराव चव्हाण सेंटरच्या सभागृहात विमुक्त जाती भटक्या जमाती मागासवर्गीय सेलच्या वतीने कृतज्ञता गौरव सोहळा घेण्यात आला . या सोहळ्यात राष्ट्रवादी पक्षाच्या उत्कृष्ट संघटन कौशल्यासाठी कार्य करणाऱ्या पदाधिकाऱ्यांचा गौरव करण्यात आला . नंदुरबार येथील राष्ट्रवादी काँग्रेस पार्टीच्या भटक्या विमुक्त जाती जमाती सेलचे उपाध्यक्ष नरेश पवार यांनी राष्ट्रवादी काँग्रेसचे नंदुरबार जिल्हाध्यक्ष डॉ . अभिजीत मोरे यांच्या मार्गदर्शनाखाली कोरोना महामारी काळात विविध उपक्रम राबविले . तसेच कंझरभाट समाजाच्या प्रश्नांविषयी न्याय मिळवून देण्याचे कार्य करून राष्ट्रवादी काँग्रेस पक्षाचे उत्कृष्ट संघटन कौशल्य केले . या उत्कृष्ट संघटन व कार्य कौशल्याबद्दल राष्ट्रवादी काँग्रेस पक्षाचे अध्यक्ष खा . शरदचंद्र पवार यांच्या हस्ते राष्ट्रवादी काँग्रेस भटक्या विमुक्त जाती जमाती मागासवर्गीय फ्रंटलर सेलचे उपाध्यक्ष नरेश पवार यांना पुरस्कार देवून सन्मानित करण्यात आले . याप्रसंगी राज्याचे जलसंपदा मंत्री तथा राष्ट्रवादी काँग्रेसचे प्रदेशाध्यक्ष जयंत पाटील , अन्न व नागरी पुरवठा मंत्री छगन भुजबळ , राष्ट्रवादी काँग्रेस पार्टी विमुक्त जाती भटक्या जमाती मागासवर्गीय सेलचे प्रदेशाध्यक्ष हिरालाल राठोड , प्रदेश सरचिटणीस संजय ब्राम्हणे , राष्ट्रवादी काँग्रेस पार्टी महाराष्ट्रचे माजी अध्यक्ष अरुण गुजराथी , राष्ट्रवादी काँग्रेस पार्टीचे महाराष्ट्र सरचिटणीस शिवाजी गर्जे , राष्ट्रीय बंजारा सेलचे अध्यक्ष किसन राठोड आदी उपस्थित होते .