म्हसावद l प्रतिनिधी
निवृत्त कर्मचारी १९९५ समन्वय समिती शहादा, नंदुरबार तर्फे 1 मे कामगार दिन व महाराष्ट्र दिन निमित्त जिल्हा परिषद मराठी शाळा प्रभुदत्तनगर ता. शहादा येथे कामगार मेळावा आयोजित करण्यात आला होता.
कार्यक्रमाची सुरुवात 1 मे महाराष्ट्र दिन व कामगार दिन निमित्त प्रथम प्रभू दत्त नगर उंटावद येथे ध्वजारोहणाच्या कार्यक्रम संपन्न झाला. रामजी विठ्ठल पाटील इ पी एस 95 चे तालुका कार्याध्यक्ष यांनी मेळाव्याचे आयोजन केले.कार्यक्रमाच्या अध्यक्षस्थानी ज्येष्ठ विधिज्ञ ॲड. गोविंद विठ्ठल पाटील होते.कार्यक्रमाची सुरुवात यांनी प्रास्ताविक केले. कामगार दिन व महाराष्ट्र दिन का साजरा करतात कामगार संघटित व्हावा म्हणून काही उदाहरण देऊन मानवामध्ये जन्मजात समूहाच्या आश्रयात राहाणे सद्बुद्धी आहे त्या तत्वानुसार आपण संघटित रहावे तसेच कामगार शक्ती व बुद्धी चे महत्व सांगितले. . ईपीएस९५ नंदुरबार जिल्हा समन्वय समितीचे जिल्हा अध्यक्ष सुधाकर धामणे यांनी कामाचा लेखाजोखा सादर केला. तसेच २६ एप्रिल २०२२ ला पालघर येथे केंद्रीय कार्यकारिणीची बैठक झाली. त्यावेळी पुढील आंदोलनाची दिशा ठरविण्यात आली. त्यानुसार, गल्ली ते दिल्ली आंदोलन करणे, ईपीएफओ कार्यालयावर धरणाआंदोलन करणे. इत्यादी मुद्द्यांची माहिती दिली.तसेच निवृत्त प्राचार्य ईश्वर चौधरी, निवृत्त प्रा.अल्प पेन्शनर शरद पाटील, निवृत्त मुख्याध्यापक डी.जी.पाटील,कवी मोहन पाटील आदींनी कामगार दिन व महाराष्ट्रदिनाविषयी मार्गदर्शन केले.कार्यक्रमाचे अध्यक्ष ॲड.गोविंद पाटील यांनी कामगार संघटना व कायदे याविषयी सविस्तर मार्गदर्शन केले. कार्यक्रम यशस्वी होण्यासाठी समितीचे सदस्य सुभाष रघुवंशी, रामदास सौपुरे, वामनराव चौधरी, तालुका उपाध्यक्ष सुदाम छगन पातील, जगन्नाथ पाटील, जाधव संभू पाटील,अशोक रघुनाथ पाटील आदींनी परिश्रम घेतले.जि. प. प्राथमिक मराठी शाळा प्रभुदत्तनगरच्या मुख्याध्यापिका वैशाली भावसार व अन्य भगिनींचेही सहकार्य लाभले. कामगार मेळाव्यास परिसरातील निवृत्त कामगार उपस्थित होते.कार्यक्रमाचे सूत्रसंचालन निवृत्त मुख्याध्यापक डी.जी.पाटील यांनी केले. आभार प्रदर्शन संयोजक रामजी पाटील यांनी केले.
