म्हसावद l प्रतिनिधी
१ मे महाराष्ट्र दिन व कामगार दिनानिमित्त ई.पी.एस.९५ संघटना, शहादा तर्फे कामगार मेळावा आयोजित करण्यात आला आहे. सदर मेळावा हा जि.प.मराठी शाळा,प्रभुदत्तनगर,ऊंटावद, होळ.सुतगिरणी जवळ येथे होणार आहे.
यावेळी मेळाव्यातील विषय कामगार दिनाचे महत्व, ई.पी.एस.९५ संघटनेची माहिती व जनजागृती, ई.पी.एस.९५ राष्ट्रीय संघटनेचे कामकाज व राष्ट्रीय पातळीवरील हालचाली,व दि.२६ एप्रिल २०२२ रोजी पालघर (मुंबई) येथे झालेल्या राष्ट्रीय संघटनेच्या सभेचा कामकाज आढावा, ई.पी.एस.९५ ग्राहक मंच अपील माहिती देण्यात येणार आहे. सभेचे अध्यक्ष म्हणून नागपुर ऊच्च न्यायालयाचे विधीतज्ञ गोविंदभाई विठ्ठल पाटील हे उपस्थित राहून मार्गदर्शन करणार आहेत.तसेच प्रमुख पाहुणे श्री धामणे नंदुरबार जिल्हा अध्यक्ष ई.पी.एस.९५ संघटना, प्रा. शरद श्रीपत पाटील, माजी प्रिंंसिपल ईश्वरभाई चौधरी अध्यक्ष जिज्ञासा फाऊंडेशन शहादा, मोहनभाई पाटील कवि, डी.जी.पाटील पत्रकार,उपस्थित राहतील. सदर सभेस ऊपस्थिती देवून संघटनेचे कामकाजाविषयी व कामगार दिनाचे महत्व जाणून घ्यावे असे आवाहन ई.पी.एस.९५ संघटना समन्वय समिती, शहादा यांनी केले आहे.
