नंदूरबार l प्रतिनिधी
नंदुरबार तालुक्यातील नंदुरबार तालुका विधायक समिती संचलित माध्यमिक विद्यालय शेजवा पो.पिंपळोद ता. जि. नंदूरबार शाळेत “राष्ट्रीय जंतनाशक दिन मोठ्या उत्साहात साजरा करण्यात आला.
सर्व प्रथम शाळेच्या सर्व विद्यार्थ्यांना एकत्र करून पिंपळोद केंद्राचे केंद्रप्रमुख हिरामण वाघ यांनी जंताच्या प्रादुर्भावामुळे काय होते हे विद्यार्थ्यांना समजावले त्यात कुपोषण आणि रक्ताशय होऊन त्यांना सतत थकवा जाणवतो.त्यांची शारीरिक वाढ व मानसिक विकास पूर्णतः होत नाही याविषयी मार्गदर्शन केले त्यानंतर शाळेचे
मुख्याध्यापक दत्तु पाटील यांनी जंताचा प्रादुर्भाव थांबवणे सोपे आहे यासाठी सभोवतालचा परिसर स्वच्छ ठेवणे,पायात बूट चप्पल नेहमी वापरणे,उघड्यावर शौचास बसू नये ,नेहमी शौचालयाचा वापर करावा, आपले हात साबणाने धुणे विशेषता जेवणाआधी आणि शौचाहुन आल्यानंतर ,स्वच्छ पाण्याने फळे व भाज्या धुणे, नेहमी स्वच्छ पाणी पिणे,पाण्याचे भांडे झाकून ठेवणे,नख स्वच्छ ठेवणे व नियमीत कापणे याविषयी मार्गदर्शन केलं त्यानंतर पिंपळोद उपकेंद्राचे आरोग्य सेवक महेंद्र वळवी यांनी 6 ते 19 वर्षे वयोगटातील शाळेत जाणाऱ्या मुलामुलींना संस्था स्तरावर व 1 ते 19 वर्षे वयोगटातील अंगणवाडी शाळेत न जाणाऱ्या मुलामुलींना समुदाय स्तरावर चाऊण खावयाच्या जंतनाशक गोळ्या नि:शुल्क दिल्या जातात तसेच जागतिक हिवताप दिवस असल्याने याविषयीचे ही मार्गदर्शन केले.सदरील मान्यवरांच्या हस्ते विद्यार्थ्यांना जंतनाशक गोळ्या देण्यात आल्या यावेळी शाळेचे उपशिक्षक हरुणखा शिकलीकर, संजय बोरसे, आनंदराव पवार श्रीमती. संगिता गोखले, श्रीमती अरुंधती शिंदे, श्रीमती नेहा शर्मा, क.लिपीक यादी उपस्थित होते.सदरील कार्यक्रमाचे सूत्रसंचालन शाळेचे कलाशिक्षक आनंदराव पवार यांनी केले. कार्यक्रम यशस्वीतेसाठी शाळेचे शिपाई संजय वसावे,दिनेश पवार यांनी परिश्रम घेतले.कार्यक्रमात इयत्ता पाचवी ते नववी विद्यार्थी विद्यार्थिनी मोठ्या संख्येने उपस्थित होते.
