नंदुरबार l प्रतिनिधी
येथील समता युवा मंच तथा राष्ट्रपिता महात्मा ज्योतिबा फुले व विश्ववंदनीय डॉ. बाबासाहेब आंबेडकर संयुक्त जयंती उत्सव समिती कोरीट नाका परिसर वतीने डॉक्टर बाबासाहेब आंबेडकर यांच्या 131व्या जयंती उत्सवानिमित्त दि. 25 एप्रिल सोमवार रोजी सायंकाळी 7 वाजता कोरीट नाका परीसर येथे महाराष्ट्रातील ख्यातनाम लोकशाहीरा सीमा पाटील,गीत व संगीतकार जॉली मोरे प्रस्तुत “वुई द पीपल” या संगीतमय महानाट्याचा प्रबोधनात्मक प्रयोग मोठ्या उत्साहात संपन्न झाला. या वेळी असंख्य जनसमुदाय मंत्रमुग्ध झाला.
कार्यक्रमाचे उद्घाटन नंदुरबार लोकसभा मतदार संघाच्या संसदरत्न खा. डॉ. हिना विजयकुमार गावीत यांच्या हस्ते डॉ. बाबासाहेब आंबेडकर , महात्मा फुले व सावित्रीबाई फुले यांच्या प्रतिमेस माल्यार्पण करून करण्यात आले. यावेळी नंदुरबार विधानसभा मतदारसंघाचे आ.डॉ. विजयकुमार गावित, अमळनेर मतदारसंघाचे माजी आ. शिरिष चौधरी, नंदुरबार जि प सदस्या सुप्रिया गावित, नंदुरबार जि. प.सदस्य, मोहन शेवाळे, आरपीआय जिल्हाध्यक्ष अरविंद कुंवर, काँग्रेस कमिटी राज्य संयोजक स्वरूप बोरसे, डॉ.राजेश वसावे, आरपीआय जिल्हा सरचिटणीस राम साळुंके, आरपीआय युवक जिल्हाध्यक्ष सुभाष पानपाटील, प्रवीण वाघ, सुरेंद्र ठाकरे, नगरसेवक गौरव चौधरी, चंद्रकांत नगराळे, सुनील गायकवाड, सुलभा महिरे, माजी नगरसेविका काश्मीरा बोरसे, सुरेंद्र ठाकरे, मोहन खानवाणी, प्रमोद शेवाळे कमल ठाकूर, रमाकांत पाटील, राकेश कलाल, नंदुरबार गटविकास अधिकारी सुवर्णा पवार, डॉ. सुनील वळवी, बापू साळवे ,संजय रगडे अनिल कुवर, सुरेंद्र कुवर, आदी मान्यवर उपस्थित होते.
दरम्यान दर सालाबादाप्रमाणे सामाजिक, राजकीय, पत्रकारिता, आंबेडकरी चळवळ कला व सांस्कृतिक क्षेत्रात उल्लेखनीय कार्य करणाऱ्या मान्यवरांना 1)डॉ. राजेश वसावे सामाजिक, 2)चंद्रकांत नगराळे राजकीय आंबेडकरी चळवळ, 3)राकेश कलाल पत्रकारिता, 4)मोहन शेवाळे राजकीय, आंबेडकरी चळवळ 5)महाराष्ट्र राज्य अंधश्रद्धा निर्मूलन समिति सामाजिक क्षेत्रातील योगदानाबद्दल महाराष्ट्र राज्याचे माजी मंत्री तथा विद्यमान आमदार डॉ. विजयकुमार गावीत यांच्या हस्ते समतारत्न पुरस्काराने गौरविण्यात आले.
यानंतर नंदुरबार जिल्ह्याचे शिल्पकार व जिल्हा विकासासाठी दिलेल्या अमूल्य योगदानबद्दल माजी मंत्री तथा आ.डॉ. विजयकुमार गावित यांना नंदुरबार लोकसभा मतदार संघाच्या खासदार डॉ. हिना गावित यांच्या हस्ते समता भूषण पुरस्काराने गौरविण्यात आले. यावेळी समता युवा मंच सर्व पदाधिकार्यांच्या वतीने सलग सहा वेळेस संसदरत्न पुरस्कार पटकाविलाबद्दल खा. डॉ.हिना गावित यांच्या जल्लोषात सत्कार करण्यात आला.
यावेळी सुवर्णा पवार, भाऊराव बिरारे, भैय्यासाहेब निकुंभे, विक्रांत खंडारे, रुग्णसेवक संतोष वसईकर, योगीराज गेजगे, पत्रकार भूषण रामराजे, आकाश पाने, ललित सूर्यवंशी यांचा खा. डॉ. हिना गावित यांच्या हस्ते त्यांनी मिळवलेल्या यशाबद्दल विशेष सत्कार करण्यात आला.
कार्यक्रमाचे आयोजन राम साळुंके, सुभाष पानपाटील, प्रवीण वाघ, किसन खांडेकर, सुलतान पिंजारी, जितेंद्र पानपाटील, सौरभ साळुंके, हर्षबोध बैसाणे, सिद्धार्थ साळुंके आदींनी केले.
कार्यक्रमाच्या यशस्वीतेसाठी संतोष शिरसाठ, सिद्धार्थ मोरे, गौतम पानपाटील अशोक खांडेकर, ॲड. प्रेमानंद इंद्रजीत,राहुल रामराजे, रणवीर पेंढारकर, अविनाश मोरे, श्याम साळुंके, भरत शिंदे, विठ्ठल जाधव, दीपक पेंढारकर, मुकेश गुरव, अजय बागले, रत्नाकर पाटील, गणेश पवार, कृष्णा बोरसे, हितेश गायंके, किरण खोकले, तुकाराम चित्ते, अशोक शिरसाट, धनराज शिरसाट, रहीम शेख किरण गवळे, मंंगेश संदाशिव पिंटू इंदवे आदींनी परिश्रम घेतले. कार्यक्रमाचे सूत्रसंचालन अमोल पगारे यांनी केले. प्रास्ताविक सुभाष पानपाटील यांनी केले.
