तळोदा l प्रतिनिधी
तळोदा येथील बँक ऑफ बडोदाचे मॅनेजरवर कारवाई करा अशी मागणी एकलव्य आदिवासी युवा संघटनेच्या वतीने तहसिलदार यांना निवेदना द्वारे करण्यात आली आहे.
या निवेदनात म्हटले आहे की, तळोदा तालुक्यातील बँक ऑफ बडोदा शाखा तळोदा येथील बँक मॅनेजर मनमानी कारभार करून गरीब आदिवासी लोकांना 60 वर्षाच्या म्हाताऱ्या माणसांना हयात दाखल्यासाठी कागदपत्रे असून देखील जाणून बुजून कागदपत्र घेऊन येण्याचे सक्ती करून त्रास देण्याचे काम चालू आहे.बॅंक मॅनेजर हे आदिवासी समाजाच्या ज्येष्ठ नागरिकांना जाणीवपूर्वक त्रास देत असल्याची बाब समोर आली आहे. या बॅंकेत आदिवासी समाज मोठ्या प्रमाणात ग्राहक असून देखील जातीभेद करित असल्याचे चित्र निर्माण झाले आहे.
तसेच ग्रामीण भागातील लोकांची गैरसोय होऊ नयेत म्हणून मिनिबँकची निर्मिती करण्यात आली मात्र तळोदा तालुक्यातील रहिवाशी असलेल्या लोकांना मिनी बँकेची आयडी न देता. गुजरात राज्याच्या एका व्यक्तीला मिनी बँक चालवण्यासाठी परवानगी दिली आहे.ज्याना या भागातील लोकांबद्दल कुठल्याही प्रकारचे घेणेदेणे नाही त्यामुळे त्याचे देखील मनमानी कारभार सुरु आहे व आणि आदिवासी बेरोजगार तरुण मिनिबँक आयडीची मागणी करत असताना त्यांना उडवाउडवीची उत्तरे देऊन मीनी बँकेची परवानगी देत नसल्याचे दिसून येत यावरून सुस्पष्ट होते की कुठेतरी बॅक मॅनेजर जातिभेद करतांना दिसत आहे. त्यामुळे बँक ऑफ बडोदा ची पूर्णता चौकशी करून दोषी आढळल्या वर तेथील कर्मचाऱ्यांवर व बँक मॅनेजर यांच्यावर गुन्हे दाखल करण्यात यावेत अशी मागणी संघटनेच्या वतीने करण्यात आली.यावेळी संघटनेचे प्रदेश प्रवक्ता अँड गणपत पाडवी, तळोदा तालुका सचिव फत्तेसिंग दादा, राजू दादा, गोविंद ठाकरे, मगन वसावे, संतोष तडवी हिरालाल वळवी सुभाष पाडवी ,अविनाश नाईक ,त्यादी कार्यकर्ते उपस्थित होते.
