सुलतानपूर येथील शासकीय आश्रमशाळेत यशस्वी विद्यार्थ्यांचा गौरव

म्हसावद l प्रतिनिधी
एकात्मिक आदिवासी विकास प्रकल्प नंदुरबार आणि एज्युकेशन इनिशिएटिव्ह संस्था अहमदाबाद यांच्या संयुक्त विद्यमाने शासकीय आश्रमशाळामध्ये माईंड स्पार्क हा उपक्रम जून 2020 पासून सुरू आहे. या उपक्रमांतर्गत इ.२री ते 8 वी च्या विदयार्थ्यांना संगणकाच्या माध्यमातून गणित, इंग्रजी व मराठी या तीन विषयांचा अभ्यास पूर्ण करून घेतला जातो त्यासाठी संस्थेमार्फत 21 लॅपटॉपची सुविधा करण्यात आली होती. त्यानुसार ज्या विदयार्थ्यांनी सर्वाधिक वेळ सेशन लॉगीन करून संबंधित विषयाचा अभ्यास केला अशा प्रत्येक वर्गातील दोन विद्यार्थ्यांना संस्थेमार्फत प्रमाणपत्र,शालेय साहीत्य देऊन गौरविण्यात आले. शासकीय माध्यमिक आश्रमशाळा सुलतानपूर ता. शहादा येथील ओम सुळे, राहुल मोते,शुभम पवार, चेतन पावरा, आकाश पवार,अरुण पावरा, किरण पवार ,प्रिया पवार, रिंकू पावरा, प्रितेश पावरा, निकिता पवार,रितेश पटले, गणेश पावरा, छोटु वसावे या विद्यार्थ्यांचा सत्कार करण्यात आला.त्यावेळी माईंड स्पार्कचे निखिल भावसार, सुनिल शेमळे हे उपस्थित होते. तर शाळेचे मुख्याध्यापक नितीन दुसाने, कैलास पाटील, मिठू बडे, निलेश पाटील, सुजाता फोलाने, दत्तात्रय सोनुने, जयश्री जावरे,श्रद्धा पगारे, सुहासिनी कुलझेले,योगेश चौधरी, योगेश ठाकरे, पूनम पाटील, कांतीलाल मोते, जयवंत सोनार, ईश्वर पारखे, अमोल ह्याळीज, गणेश पावरा, रमेश पाडवी व शाळेचे सर्व कर्मचारी व विद्यार्थी हजर होते.