शहादा l प्रतिनिधी
तालुक्यातील नागझिरी ग्रुप ग्रामपंचायत अंतर्गत साबलापाणी पाडा येथील आगीत घरासह संसारोपयोगी वस्तू जळून खाक झाल्या होत्या त्यामुळे रणरणत्या उन्हात उघड्यावर संसार आलेल्या जाड्या फोकऱ्या पावरा व,हुमीबाई जाड्या पावरा या पीडित दाम्पत्यास आमदार राजेश पाडवी यांनी रोख 10 हजार रुपयांची मदत देत दातृत्व जोपासले आहे.ही मदत त्यांचे स्वीय सहाय्यक हेमराज पवार यांच्या मार्फत पोहच करण्यात आली.
चार दिवसांपूर्वी नागझिरी ग्रूप ग्रामपंचायतिचा पाडा साबलापाणी येथे शेतशिवारात जाड्या फोकऱ्या पावरा हे पत्नी हुमीबाईसह राहतात चार दिवसांपूर्वी अचानक त्यांच्या घरास आग लागून संपुर्ण घर जळून खाक झाले.त्यात संसारोपयोगी वस्तूचीही राख झाली या घटनेची माहीती दिल्ली येथे कामकाजानिमित गेलेल्या आमदार राजेश पाडवी यांना मिळाल्यानंतर त्यांनी तातडीने त्यांचे स्विय सहाय्यक हेमराज पवार यांच्या मार्फत घटनास्थळी जाऊन पीडित दाम्पत्यास रोख 10 हजार रुपयांची मदत दिली यावेळी भाजपा जिल्हा उपाध्यक्ष सुखलाल रावताळे ,ग्रामपंचायत सदस्य सचिन पावरा उपस्थित होते तसेच तहसीलदार यांनाही घटनेची माहीती देऊन पंचनामा करुन शासकीय मदत मिळवुन देनार असल्याचे सांगितले.