नंदुरबार l प्रतिनिधी
नंदुरबार केटरर्स असोसिएशनच्या जिल्हाध्यक्षपदी कन्यादान मंगल कार्यालयाचे संचालक संदीप चौधरी यांची निवड करण्यात आली. यावेळी अन्य कार्यकारिणी गठित करण्यात आली तसेच केटरर्ससाठी विविध नियम निश्चित करण्यात आले.
जिल्ह्यात केटरर्स असोसिएशन नसल्यामुळे अनेक समस्या निर्माण झाल्या होत्या. ही बाब लक्षात घेऊन कन्यादान मंगल कार्यालयात जिल्ह्यातील केटरर्सची बैठक झाली. यावेळी विविध विषयावर चर्चा करून असोसिएशनचे गठन करण्यात आले. केटरर्स व्यवसायिकांच्या विविध समस्यांवर चर्चा करुन समस्यांचे निराकरण कसे करावे याबाबत चर्चा झाली. स्वयंपाक करताना तसेच वाढताना स्वच्छता बाळगणे, स्वतःची व इतरांच्या आरोग्याची काळजी घेणे आवश्यक असल्याचे यावेळी सांगण्यात आले.
यावेळी गठित करण्यात आलेली कार्यकारणी अशी: अध्यक्ष संदीप चौधरी, उपाध्यक्ष जितेंद्र मराठे, सचिव आनंद मोहने, खजिनदार राजूभाई, सदस्य मेहुल जोशी, हरी दवे, दिनेश महाराज, सोहम महाराज, सुखदेव महाराज, भाईजी महाराज, मोहन महाराज, सुरेश जोशी, शिवाजी महाराज, स्वरूप राजपुरोहित, पंकज राजपूत.
