म्हसावद l प्रतिनिधी
शहादा तालुक्यातील डोंगरगाव येथे वडछील रस्त्यालगत असलेल्या तनेश नामदेव चौधरी यांच्या शेतात कोब्रा जातीचे नाग नागीण सर्प मित्रांनी मोठ्या शिताफीने पकडले.नाग नागीण एकत्र सापडणे हा दुर्मिळ योग असल्याची माहिती सर्पमित्र मोहित पाटील यांनी दिली.
बऱ्याच दिवसापासून हे सर्प येथे वास्तव्यास होते त्यामुळे रात्री शेतात पिकांना पाणी भरतांना भिती वाटत असल्याची माहिती चौधरी यांनी दिली. हे सर्प पाच फूटापेक्षा जास्त लांबीचे होते.ते पकडण्यासाठी सर्पमित्र अमोल पाटील व राहूल जमादार यांचे सहकार्य लाभले. बरणीत बंद करुन नाग नागीण यांना सुरक्षित स्थळी सोडण्यात आले.
