नंदुरबार l प्रतिनिधी
तालुक्यातील खामगाव येथील एकाने ११२ क्रमांक विनाकारण डायल केल्याने त्याला चांगलीच महागात पडले आहे. याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील खामगाव येथील नथ्थू सापा पाडवी याने शासकीय तक्रार डायल ११२ या क्रमांकावर कुठलीही तक्रार नसतांना नियंत्रण कक्ष नंदुरबार सीएफएस आयडी ३१२४२४२ ला संदेश लोकसेवकास त्रास होईल हे माहित असतांना खोटी माहिती दिली. याबाबत पोना.महेंद्र सोनवणे यांच्या फिर्यादीवरुन नंदुरबार तालुका पोलिस ठाण्यात नथ्थू पाडवी याच्याविरोधात भादंवि कलम १८२ प्रमाणे गुन्हा दाखल करण्यात आला आहे. पुढील तपास पोहेकॉ.देविदास नाईक करीत आहेत.
