नंदुरबार l प्रतिनिधी
एक्सलंसिया डिजीटल टेक्नॅालॅाजी प्रायव्हेट लिमीटेड नंदूरबार येथे महीला दिनानिमीत्त सावित्रीच्या लेकी शिक्षीकांचा सत्कार करण्यात आला.
घरात व घराबाहेरच्या सर्व जबाबदाऱ्या सांभाळणाऱ्या व घरच्या व शाळेतील मूलांना संस्कार करून भारताचे भविष्य उज्वल करणाऱ्या शिक्षीकांचा एक्सलंसिया तर्फे सत्कार करण्यात आला. शिक्षीका या नेहमीच दूहेरी जबाबदारी सांभाळत असतात व अनेक अडचणींचा सामना करत त्या शाळा व घर दोन्ही जबाबदाऱ्यांच्या ओझ्याखाली वावरत असतात. त्यामूळे अशा या सावित्रीच्या लेकींचा सत्कार एक्सलंसियातर्फे जागतीक महीला दिनानिमीत्त करण्यात आला.
यावेळी काकेश्वर विद्याप्रसारक संस्था संचलित क. पू.पाटील माध्यमिक व उच्च माध्यमीक विद्यालयातील संचालिका व भालेरच्या माजी सरपंच सौ. बेबीबाई भास्कर पाटील, मूख्याध्यापीका व प्राचार्या विद्या चव्हाण, कविता पाटील, शोभा पाटील ,मनिषा सैंदाणे, छाया शेवाळे, वंदना पाटील, हर्शदा पाटील, भारती पाटील , एक्सलंसियाच्या सौ.करूणा पाटील,पूनम माळी, नूतन पाटील व सोनल राहूल पाटील यांचा सत्कार करण्यात आला.
यावेळी बोलतांना क. पू. पाटील माध्यमीक व उच्च माध्यमिक विद्यालयाच्या मूख्याध्यापीका व प्राचार्या विद्या चव्हाण यांनी शाळा चालवतांना एक महीला असून येणाऱ्या अनेक अडचणीतून कसा मार्ग काढला व त्याद्वारे शाळेची व विद्यार्थ्यांच्या उन्नती साठी सर्वांच्या सहकार्यातून कसे प्रयत्न केले याबद्दल स्वानूभव सांगून एक्सलंसियाच्या महीला कर्मचाऱ्यांना प्रेरणा दिली.
प्रास्ताविक एक्सलंसिया पूणे हेड ॲाफिसच्या मॅनेजर अश्विनी कूमठेकर यांनी व्हिडीओ कॅांफरंसिगद्वारे केले व एक्सलंसिया कंपनीने महीला कर्मचाऱ्यांसाठी केलेल्या अनेक उल्लेखनिय उपक्रमांचा वेध घेतला. एक्सलंसियाच्या मॅनेजिंग डायरेक्टर सौ.प्राजक्ता बोरसे यांनी यानिमीत्त सर्वांचे आभार मानले .
