नंदुरबार | प्रतिनिधी-
सातपुडयातील दुर्गम भाग असलेल्या अक्कलकुवा तालुक्यातील बालाघाट येथील सचिन वसावे याची इरफान पठाण यांच्या ॲकेडमीतर्फे दुबई येथे होणार्‍या क्रिकेट स्पर्धेसाठी निवड झाली आहे.अनेक सकटांवर मात करीत अखेर आज दि.६ मार्च रोजी तो दुबई येथे होणार्‍या इंटरनॅशनल युथ क्रिकेट स्पर्धेसाठी तो रवाना झाला.
सातपुडयातील दुर्गमभाग असलेल्या बालाघाट (ता.अक्कलकुवा) येथे राहणार्‍या सचिन मानसिंग वसावे याचे बीएससी कॉम्प्युटर डीएमलटीचे झाले आहे. त्याला लहानपणापासूनच क्रिकेटची आवड होती. त्यामुळे तो मिळेल त्याठिकाणी किकेटचा सराव करीत होता. दरम्यान त्याचे कौशल्य व मेहनतीचा जोरावर कॅम्प लुधीयाना या इरफान पठाण ॲकेडमीमधून निवड झाली. तो दि.७ डिसेंबर रोजी दुबई येथे क्रीकेट खेळण्यासाठी रवाना होणार होता मात्र जगात ओमायक्रोनने थैमान घातल्याने परदेशात जाणार्‍या विमान वाहतूकीला याचा फटका बसला त्यामुळे सचिन वसावेचा दुबई दौरा पुढे ढकलण्यात आला होता.
त्यानंतर सचिन वसावे याने मोलगी येथे कसुन सराव केला.अनेक सकटांवर मात करीत अखेर आज दि.६ मार्च 2022 रोजी तो दुबई येथे होणार्‍या इंटरनॅशनल युथ क्रिकेट स्पर्धेसाठी तो रवाना झाला.त्या ठिकाणी त्याचे सामने पाकिस्थान, ओमान, बांग्लादेश विरूध्द तो शारजाह येथील मैदानावर सामने खेळनार आहे.त्याचे सामने ९ ते १५ मार्च 2022 दरम्यान आहेत.
आज बालाघाट येथुन तो रवाना झाला.दि.७ मार्च रोजी तो दिल्लीहुन रवाना होणार आहे. त्याचा सरावासाठी डॉ.मनोज पावरा यांनी मार्गदर्शन केले.दरम्यान सातपुडयातील दुर्गम भागातील लहान खेडयात आंतरराष्ट्रीय गिर्यारोहक अनिल वसावे यांच्यानंतर आंतरराष्ट्रीय स्तरावर जाण्याचा मान सचिन वसावे यांनी पटकाविला आहे. त्याच्या यशाबद्दल गावकर्‍यांनी त्याचे अभिनंदन केले.
