जयपालसिंह रावल यांचा हस्ते गरजू विद्यार्थ्यांना शैक्षणिक साहित्य वाटप

म्हसावद l प्रतिनिधी
चेतक फेस्टीव्हल समितीचे अध्यक्ष जयपालसिंह रावल यांचा हस्ते रक्षदा कॉम्पलेक्स चौकात येथील मोरे कुटुंबाकडून गरजू विद्यार्थ्यांना शैक्षणिक साहित्य व वह्या वाटपाचा कार्यक्रम घेण्यात आला . यावेळी ग्रामस्थ व विद्यार्थी उपस्थित होते .
यावेळी शारदा विद्या प्रसारक मंडळ विद्यालयाचे अध्यक्ष देवेंद्रसिंह रावल , सरपंच पृथ्वीराजसिंह रावल , प्रणवराजसिंह रावल , शांतीलाल जैन , रफिक शहा , रमेश मोरे , प्रल्हाद मोरे , भुषण मोरे , दिपक मोरे , विशाल मोरे , संजय मोरे , मनोज मोरे आदी उपस्थित होते . समाजात अनेक विद्यार्थ्यांची आर्थिक परिस्थित बेताची असल्याने त्यांना वह्या व शालेय साहित्य घेता येत नाही व ते अभ्यासापासून वंचित राहतात . वायफळ खर्च टाळून मोरे कुटुंबांनी गरजू विद्यार्थ्यांना शालेय साहित्य वाटप करण्याचा उपक्रम घेतल्यास निश्चित विद्यार्थ्यांना तो लाभदायी ठरणार असे प्रतिपादन जयपालसिंह रावल यांनी केले .
विद्यार्थ्यांना वह्या मिळाल्याने त्यांच्या चेहऱ्यावर एक वेगळाच आनंद दिसून येत होता . सर्व विद्यार्थांनी आनंद साजरा केला .