शिमोगा येथील हत्त्येचा विश्व हिंदू परिषदेतर्फे निषेध जिल्हाधिकार्‍यांना निवेदन

नंदुरबार l प्रतिनिधी
कर्नाटक राज्यातील शिमोगा येथे हर्ष नामक कार्यकर्त्याची निर्गुण हत्या करण्यात आली. ती अतिशय निंदनीय व निषेधार्थ आहे, या हत्येतील आरोपींवर कठोर कारवाई करण्यात यावी, अशी मागणी विश्व हिंदू परिषद बजरंग दलातर्फे करण्यात आली आहे. तसे निवेदन जिल्हाधिकारी जिल्हाधिकारी श्रीमती मनिषा खत्री यांना देण्यात आले.
निवेदनात पुढे म्हटले आहे की, ही हत्या विषारी व जिहादी मानसिकतेने पछाडलेल्या नेतृत्वाकडून जे विष अल्पसंख्यांक समाजात पेरल्या गेले त्याचा परिणाम आहे. अशी आमची स्पष्ट धारणा आहे. पॉंपुलर फ्रंट ऑफ इंडिया, कॅम्पस फ्रंट ऑफ इंडिया व सोशल डेमॉक्रॅटिक पार्टी ऑफ इंडिया या संघटनांनी जे विष पसरविण्याचे कार्य सुरु केलेले आहे, त्याचा परिणाम म्हणजे ही हत्या आहे. भारतात घडलेल्या १९४६ च्या डायरेक्ट ऍक्शन चळवळीशी साधर्म्य असलेल्या या सर्व मानसिकतेवर कायद्याने कठोर कारवाई करावी व आरोपींना जरब बसावी अशी शिक्षा व्हावी, अशी मागणी विश्व हिंदू परिषद या निवेदनाव्दारे मागणी करीत आहे.
सिमीचेच दुसरे रुप असलेल्या पॉपुलर फ्रंट ऑफ इंडिया, कॅम्पस फ्रंट ऑफ इंडिया व सोशल डेमॉक्रॅटिक पार्टी ऑफ इंडिया या संघटनांवर व त्यांच्या नेतृत्वावर बंदी घालावी आणि त्यांचा पायबंद करावा अन्यथा हिंदू समाज व हिंदू नेतृत्व त्यांना वठणीवर आणण्यासाठी सक्षम आहे. कायदा कायद्याचे काम करेलच, परंतु यांना पाठीशी घालणार्‍या राजकीय नेतृत्वाने याचा गांभिर्याने विचार करुन सुधरावे, ही अपेक्षा आम्ही यानिमित्ताने करतो आहोत. पॉपुलर फ्रंट ऑफ इंडिया, कॅम्पस फ्रंट ऑफ इंडिया व सोशल डेमॉक्रॅटिक पार्टी ऑफ इंडिया या संघटनांचे पाळेमुळे महाराष्ट्रातही खोलवर रुजलेले आहेत. त्यावर बंदी घालून योग्य प्रतिबंध करावा अन्यथा विश्व हिंदू परिषद कायदेशिर व संवैधानिक मार्गाने याला उत्तर देईल. असे आवाहन विश्व हिंदू परिषद बजरंग दलातर्फे करण्यात आले आहे. निवेदनावर जिल्हामंत्री विजयराव सोनवणे, जिल्हा सहमंत्री अजय कासार, जिल्हा संयोजक अमोल पाठक, शहराध्यक्ष दिलीप बोरसे, शहर मंत्री महेंद्र सोनी, बजरंगदल संयोजक गोपाल बोनकर, पंडीराव बोरसे, रामुभाई सोनार, कपिल अग्रवाल, कोमल शर्मा, छोटूनाना कलाल, ललित पाटील, राहुल माळी, अक्षय भावसार, महेश सोनी, सनी चौधरी आदींच्या सह्या आहेत.