नंदुरबार l प्रतिनिधी
चोपड्याच्या आमदार लता महारू कोळी उर्फ लता चंद्रकांत सोनवणे यांचा टोकरे कोळी, अनुसूचित जमातीचा दाखला अवैध घोषित करण्यात आला आहे. अमळनेर उपविभागीय अधिकाऱ्यांनी त्यांना निर्गमित केलेले टोकरे कोळी अनुसूचित जमातीचे प्रमाणपत्र रद्द करून जप्त करण्यात येत असल्याचा आदेश अनुसूचित जमाती प्रमाणपत्र तपासणी समितीने दिला आहे. माजी आमदार जगदीशचंद्र रमेश वळवी व अर्जुनसिंग वसावे यांनी याप्रकरणी तक्रार केली आहे.व जगदीश वळवी यांच्या बाजूने ॲड. जगदीश कुवर यांनी बाजू मांडली.
आमदार सोनवणे यांनी टोकरे कोळी या अनुसूचित जमाती अपेक्षा. तपासणीचा प्रस्ताव जळगाव शहर महानगरपालिकेमार्फत निवडणूक प्रयोजनार्थ १० एप्रिल २०१९ रोजी नंदुरबार येथील अनुसूचित जनजमाती प्रमाणपत्र समितीकडे सादर केला होता. त्यांचा दावा ४ नोव्हेंबर २०२० ला समितीने विस्तृत आदेशान्वये अवैध घोषित केला होता. आमदार सोनवणे यांनी उच्च न्यायालयाच्या औरंगाबाद खंडपीठाकडे रिट याचिका दाखल करून समितीच्या निर्णयाला आव्हान दिले होते.
नव्याने सादर केला होता दावा त्यावर उच्च न्यायालयाने ३ डिसेंबर २०२० ला दिलेल्या निर्णयानुसार समितीचा आदेश रद्दबातल करून आमदार सोनवणे यांना उपविभागीय अधिकारी अमळनेर (जि. जळगाव) यांच्याकडून नव्याने जात प्रमाणपत्र प्राप्त करून सात दिवसांच्या आत प्रस्ताव सादर करण्याबाबत निर्देश दिले होते. तसेच हे प्रकरण चार महिन्यांत निकाली काढण्याचे आहे. निर्देशही न्यायालयाने समितीला दिले होते. न्यायालयाच्या या आदेशानुसार आमदार सोनवणे यांनी नव्याने जातीचे प्रमाणपत्र प्राप्त करून ९ डिसेंबर २०२० रोजी समितीकडे प्रस्ताव सादर केला होता. त्यांनी अधिकचे पुरावे प्रस्तावासोबत नव्याने सादर केले. हे पुरावे प्रथमच समितीसमोर आल्याने
त्याची सत्यता पडताळणीसाठी समितीने हे प्रकरण पोलीस दक्षता पथकाकडे सखोल चौकशीसाठी वर्ग केले होते. दक्षता पथकाने चौकशी करून २० मे २०२१ ला समितीकडे अहवाल सादर केला. त्यावर समितीने नुकताच हा निर्णय दिला आहे.
