प्रतापपुर येथे पुलवामा शहीद जवानांना श्रद्धांजली

तळोदा l प्रतिनिधी
प्रतापपुर येथील राणा प्रताप इंग्लिश स्कूल , प्रतापपुर ता.तळोदा येथे १४ फेब्रुवारी २०१९ रोजी जम्मू काश्मीर येथील पुलवामा येथे आतंकवाद्यांनी केलेल्या भ्याड हल्यात शाहिद झालेल्या जवानांना दीप ज्योती लावून तथा पुष्प अर्पण करीत दीर्घ मौन पाळून श्रद्धांजली वाहण्यात आली.
हा दिवस संपूर्ण भारतीयांसाठी काळा दिवस असून सुमारे ४० च्यावर सीआरपीएफचे जवान या भ्याड हल्ल्यात शहीद झाले होते. या घटनेला आज तीन वर्ष पूर्ण होत असून यात शहीद झालेल्या जवानांप्रती सदभावना व संवेदना व्यक्त करण्याचा दिवस आहे.शाळेचे मुख्याध्यापक हेमलाल पुरुषोत्तम मगरे यांच्या मार्गदर्शनाखाली या अभिवादन पर कार्यक्रमाचे आयोजन करण्यात आले. यावेळी राणा प्रताप इंग्लिश स्कूल तथा महात्मा गांधी इंग्लिश स्कूल,खापरचे चेअरमन प्रभाकर संभु चौधरी तथा पीपल्स एज्युकेशन सोसायटीचे उपाध्यक्ष योगेश प्रभाकर चौधरी यांनी पाठवलेल्या श्रद्धांजली पर संदेशाचे वाचन करण्यात आले. या प्रसंगी शाळेचे ज्येष्ठ शिक्षक सुभाष मराठे, कौशलकुमार सवाई,अनिल गुरव,शिक्षिका वैशाली पाटील, सरिता वसावे, सुवर्णा चौधरी,संगीता सोनवणे,संगीता कलाल,प्रतिभा वळवी, शामप्रसाद आगळे, देवकाबाई मराठे तसेच विद्यार्थी गण उपस्थित होते.