अक्कलकुवा l प्रतिनिधी
अक्कलकुवा-तळोदा विधानसभेचे माजी आमदार डॉ.नरेंद्र पाडवी यांचे 8 फेब्रूवारी रोजी दुःखद निधन झाले आज त्यांना अक्कलकुवा शहरातील शिवनेरी चौकात सर्व पक्षीय तसेच अक्कलकुवा शहरातील ग्रामस्थांच्या वतीने सामूहिक श्रद्धांजलि अर्पित करण्यात आली.
उपस्थितांनी कै. डॉ.नरेंद्र पाडवी यांच्या प्रतिमेचे पुजन करुन श्रध्दांजली अर्पण केली. यावेळी शिवसेना जिल्हा प्रमुख आमश्या पाडवी, भाजपा अनुसूचित जमाती मोर्चाचे प्रदेश उपाध्यक्ष नागेश पाडवी, माजी जि.प.सदस्य किरसिंग वसावे, कपिल चौधरी, वरिष्ठ पोलिस निरीक्षक राजेश शिंगटे,माजी प्राचार्य के.जी.राजपूत, नंदुरबार येथील भाजपा जेष्ठ नेते रघुनाथभाई चौधरी, सामाजिक कार्यकर्ते शुभम भंसाली यांनी भावनिक मनोगत व्यक्त केले.
यावेळी जेष्ठ नेते पृथ्वीसिंग पाडवी, प्रदीप सोनार, जयप्रकाश परदेशी, सुरेश जैन, माधव जोशी, संदीप मराठे, भीकमचंद चव्हाण, महावीर डागा, तुकाराम वळवी, राजेन्द्र लोहार, ब्रिजलाल भंसाली, विनोद बनिया,किरण भावसार, रोहित चौधरी, गोलू चंदेल, तसेच विविध राजकीय पक्षाचे पदाधिकारी , सामाजिक, शैक्षणिक क्षेत्रातील मान्यवर ज्येष्ठ नागरिक व तालुक्यातिल ग्रामस्थ मोठ्या संख्येने उपस्थित होते. सूत्रसंचालन प्रा. रविंद्र गुरव यांनी केले.
