नंदुरबार | प्रतिनिधी
धडगांव शहरातील वडफळ्या येथे पोलीस उपनिरीक्षक राहुल भदाणे यांनी पथकासह जुगार अड्यावर धाड टाकत ३० हजार २३० रूपये व जुगाराच्या साहित्यासह तीघांना अटक केली आहे.
याबाबत पोलीस सुत्रांनी दिलेल्या माहितीनुसार, पोलीस उपनिरीक्षक राहुल भदाणे यांना गुप्त बातमीदाराकडुन जुगारा बाबत माहिती मिळाल्याने त्यांनी वरीष्ठांशी संपर्क केला.पोनि.पठाण यांच्या मार्गदर्शनाखाली पोलीस उपनिरीक्षक राहुल भदाणे पथकासह धडगांव शहरातील वडफळ्या येथे गेले असता काही नागरीक त्याठिकाणी ५२ पत्यावर झन्ना मन्ना नावाचा जुगाराचा खेळ पैसे लावुन खेळतांना मिळुन आले.पोलीसांना पाहताच जुगार खेळणारे सैराभर पळु लागले.याठिकाणाहुन पोलीस उपनिरीक्षक राहुल भदाणे, पोना निकम,पोशि भुतलवाड पोना योगेश निकम यांनी ३०,२३० रोख रुपये व जुगाराची साधने पोना सोबतच्या पंचासमक्ष घटनास्थळाचा पंचनामा करुन मुद्देमाल जप्त केला . याप्रकरणी पोशि भुतलवाड यांच्या फिर्यादीवरून बलवंत गुजार्या पावरा,पिंटु अमरसिंग वळवी, महेद्र समार्या वळवी तीघे रा. वडफळ्या ता.धडगांव यांच्या विरूध्द धडगांव पोलीस ठाण्यात महा.जुगार कायदा कलम -४,५ प्रमाणे गुन्हा दाखल करण्यात आला आहे.याप्रकरणी पुढील तपास पोलीस उपनिरीक्षक राहुल भदाणे करीत आहेत.
