नंदुरबार l प्रतिनिधी –
भारतीय किसान सेना (सेक्युलर)पदाधिकाऱ्यांच्या नियुक्त्या करण्यात आल्या आहेत. जिल्हा कार्यालयात झालेल्या कार्यक्रमात प्रदेश महासचिव पंडित तडवी यांच्या हस्ते नियुक्तीपत्र देण्यात आले.
नंदुरबार येथे जिल्हा कार्यालयात सोमवार दि.7 फेब्रुवारी रोजी दुपारी कार्यक्रमाचे आयोजन करण्यात आले होते. यावेळी नवापूर तालुकाध्यक्षपदी सुनील बापू गावित,नवापूर तालुका कृषी सल्लागारपदी विपुल गावित तर धुळे जिल्हाध्यक्षपदी अंबुरपाडा ( उमरपाटा) ता. साक्री येथील देवा कुवर यांची नियुक्ती करण्यात आली. त्यांना नियुक्तीचे पत्र प्रदेश महासचिव पंडित तडवी यांच्या हस्ते देण्यात आले.
यावेळी प्रदेश महासचिव पंडित तडवी यांनी कार्यकर्त्यांना मार्गदर्शन करताना सांगितले की,भारतीय किसान सेना (सेक्युलर) राजकीय पक्ष असून समाजातील लोकांना एकत्रित करुन समाजाचे अधिकार, समाजसेवा आणि शेतकऱ्यांच्या अधिकारासाठी लढा देण्याचे काम करत आहे असे सांगितले. याप्रसंगी उपस्थित प्रदेश प्रवक्ता सुभाष नेरकर, जिल्हाध्यक्ष उदेसिंग पाडवी, विमुक्त भटके सेल जिल्हाध्यक्ष कांतीलाल जाधव, तालुका उपाध्यक्ष रविदास वळवी, शहराध्यक्ष राजू माळी, सुधाकर वसावे,रवींद्र वळवी,सुनील भिल, भास्कर तडवी,दीपक भिल,अजय भिल ,सालम गावित इत्यादी पदाधिकारी व कार्यकर्ते उपस्थित होते.
