नंदुरबार | प्रतिनिधी
अखिल भारतीय सहंसमल भांतू ( कंजारभाट ) समाज संघाच्या महाराष्ट्र प्रदेश उपाध्यक्षपदी राकेश तमायचेकर यांची नियुक्ती करण्यात आली आहे.
अखिल भारतीय सहंसमल भांतू ( कंजारभाट ) समाज संघाच्या महाराष्ट्र प्रदेश उपाध्यक्ष पदावर नंदुरबार येथील जेष्ठ सामाजिक व राजकीय कार्यकर्ते राकेश बच्चू तमायचेकर यांना दि.२९ जानेवारी, २०२२ रोजी श्रीक्षेत्र आळंदी येथे या समाजाचे राष्ट्रीय अध्यक्ष सुनिल मलके, यांनी नियुक्तीपत्र व हारश्रीफळ देवून सन्मानित करण्यात आले.
या प्रसंगी राकेश तमायचेक यांनी श्रीसंत ज्ञानेश्वर महाराज यांना साक्षी मानून अखिल भारतीय सहंसमल भांतू समाज संघाबरोबर तन,मन,धनाने समाज सेवा करण्याचे आश्वासन दिले.या वेळी सर्व प्रकाश रावळकर, राष्ट्रीय सचिव तथा प्र.अघ्यक्ष, महाराष्ट्र प्रदेश रामभाऊ बाटुंगे, महासचिव, महाराष्ट्र प्रदेश देवदास चव्हाण, संस्थापक सदस्य शैलेश भाट, पुणे जिल्हा महासचिव रामचंद्र भाट, धीरज तामचीकर, आकाश नेतलेकर, रूपेश भाट, इंद्रजित मिणेकर, अजय बाटुंगे, सुरज तमायची, सावन रावळकर आदि.उपस्थित होते.
