नंदूरबार l प्रतिनिधी
शहादा तालुक्यातील मामाचे मोहिदे येथील २५ ते ३० शेतकऱ्यांची ४६ लाख ४७ हजारात फसवणुक केल्याप्रकरणी पपई व्यापाऱ्याविरूद्ध गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, शहादा तालुक्यातील मामाचे माहिदे येथे सरफराज इदवा चौधरी याने रामदास संभु पाटील व साक्षीदार यांच्या सह परिसरातील २५ च्यावर शेतकऱ्यांची पपई पीक नोव्हेंबर २०२० ते मार्च २०२१ दरम्यान घेऊन जावून पपईचे ४६ लाख ४७ हजार रुपये परत न करता फसवणुक केली म्हणून रामदास संभु पाटील रा . मामाचे मोहिदे ता . शहादा यांच्या फिर्यादीवरून शहादा पोलीस ठाण्यात सरफराज इदवा चौधरी रा हापुड जिल्हा हापुड उत्तर प्रदेश याच्या विरूद्ध भाद वी कलम ४२० प्रमाणे गुन्हा दाखल करण्यात आला आहे.याप्रकरणी पुढील तपास पोनि दिपक बुधवंत करीत आहेत.