नंदूरबार l प्रतिनिधी
गेल्या अनेक वर्षांपासून रखडलेल्या कोठवा नाल्यावर असलेल्या पुलाचे लोकार्पण शहादा तळोदा विधानसभा मतदार संघाचे आ. राजेश पाडवी यांच्या हस्ते करण्यात आले. व पुल वाहतुकीसाठी खुला करण्यात आला.
बोरद पासून अवघ्या ४ कि.मी. अंतरावर असलेल्या खरवड या गावालगतच मोड ते खरवड या २ कि.मी. असलेल्या मार्गावर खरवड गावाजवळील कोठवा नाल्यावर पुलाची मागणी अनेक दशकापासून होती. परंतु निधी उपलब्द्ध होतं नसल्यामुळे या कामास सुरुवात होत नव्हती. तसेच ग्रामस्थांना वाहतुकीला अनेक समस्या येत असल्याचे लक्षात घेऊन खरवड व मोड येथील स्थानिक लोकप्रतिनिधी यांनी वेळोवेळी आमदार राजेश पाडवी यांची भेट घेऊन पुलाची मागणी केली.त्यांच्या या मागणीला प्रतिसाद देत राजेश पाडवी यांनी या कामासाठी आदिवासी विकास कार्यक्रम २०२०-२१ अर्थसंकल्पातून ५२.४३ लक्ष मंजूर केले व निविदा काढून प्रत्यक्ष कामाला सुरुवात केली होती. त्यामुळे ग्रामस्थांनी आमदार राजेश पाडवी याचे आभार मानले व तसेच समाधान व्यक्त केले.
यावेळी आ. राजेश पाडवी म्हणाले की, मतदार संघाच्या प्रत्येक गावात जावून तेथील समस्या जाणून घेत आहे. यावेळी भाजपा माजी तालुकाध्यक्ष राजेंद्र राजपूत, भरत पवार, सुनीताबाई पवार जिल्हा परिषद सदस्य तुळाजा, प्रविणसिंग राजपूत भाजपा किसान मोर्चा जिल्हा सरचिटणीस, जितेंद्र पाडवी भाजपा माजी जिल्हा परिषद सदस्य, चेतन गोसावी भाजपा युवा मोर्चा तालुका अध्यक्ष, गोपी पावरा, प्रकाश वळवी, माधव गोसावी जेष्ठ नागरिक खरवड, प्रल्हाद भारती खरेदी विक्री संघ व्हा.चेअरमन, राजू गाडे, मुख्यध्यापक राजू भैया गुरव, महेश भारती, जितेंद्र लोहार, दिपक जावरे, महेंद्र भारती, राहुल मराठे, जितेश गोसावी, भेटू मराठे, महेश गोसावी, मुकेश गोसावी, राजेंद्र मराठे, मधुकर जावरे, आबा जावरे, प्रकाश बर्डे, शरद ठाकरे, सखाराम पाडवी, सुधीर शिंदे, योगेश गोसावी तसेच खरवड, मोड व करणखेडा ग्रामस्थ मोठ्या संख्येने उपस्थित होते.
