नंदुरबार l प्रतिनिधी
तळोदा तालुक्यातील ढेकाटी – वाल्हेरी शिवाराचे बांधावर नर्मदानगर पुनवर्सन क्र . १ येथे अज्ञात कारणावरून तीक्ष्ण हत्याराने एखाचा खून केल्याची घटना घडली आहे.याप्रकरणी अज्ञातविरूद्ध गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार,
तळोदा तालुक्यातील ढेकाटी – वाल्हेरी शिवाराचे बांधावर नर्मदानगर पुनवर्सन क्र . १ येथील आटया पुजारा यांचे दादर पेरणी केलेल्या शेताच्या बांधावर लावलेल्या सागाचे झाडाजवळ दि.२२ जानेवारी रोजी सायंकाळी ५ वाजेच्या सुमारास अज्ञात कारणावरून राजु सुरूपसिंग नाईक (वय ५०) रा . ढेकाटी ता . तळोदा याला अज्ञात आरोपी याने कोणत्यातरी हत्याराने डोक्यास मारून गंभीर दुखापती करून जिवेठार मारले. याप्रकरणी सुरूपसिंग भोंग्या नाईक रा . ढेकाटी ता . तळोदा यांच्या फिर्यादीवरून अज्ञात इसमाविरूद्ध तळोदा पोलीस ठाण्यात भादवी कलम ३०२ प्रमाणे गुन्हा दाखल करण्यात आला असून या प्रकरणी पुढील तपास पोनि केलसिंग पावरा करीत आहेत.
