अक्कलकुवा l प्रतिनिधी
खापर येथे दोन जणाच्या वाद मिटवण्यासाठी गेलेल्या लोकप्रतिनिधि वरच पोलिसांनी केला गुन्हा दाखल केला याबाबत शिवसेनेतर्फे पोलिस प्रशासनाचा निषेध करीत तहसीलदाराना निवेदन देण्यात आले.
खापर येथील महादेव हॉटेल चालक आणि सेलम्बा येथील युवका मध्ये 18 जानेवारी रोजी रात्री किरकोळ शाब्दिक वाद झाला होता. सदर याप्रसंगी त्या ठिकाणी अचानक पोहचलेले युवा सेनेचे जिल्हा प्रमुख ललित जाट यांनी दोन्ही पक्षांना व्यवस्थित समजावून वाद आपसात मिटवला सदर दोन्ही पक्षाचे एकमेकाविरुद्ध काही एक म्हणणे नसतांना पोलिसांनी दोन्ही पक्षावर गुन्हा दाखल केला. मात्र या विषयात मध्यस्ती करणाऱ्या युवा सेना जिल्हा प्रमुख ललित जाट यांचे काही एक घेणं देणं नसतांना उलट वाद मिटवण्यासाठी त्यानीच प्रयत्न केले असतांना त्यांच्याच विरोधात पोलिसांनी गुन्हा दाखल केला, सदर गुन्हा दाखल करणाऱ्या पोलिस अधिकाऱ्यांचा शिवसेना पक्षातर्फे जाहिर निषेध करण्यात आला आहे . अश्याप्रकारे सामाजिक, राजकीय, जीवनात वादाच्या ठिकाणी जाऊन विषय अधिक वाढू न देता आपसात मिटवणाऱ्या लोकप्रतिनिधि वरच गुन्हे दाखल होत असतील तर यापुढे कोणीही वाद मिटवण्यासाठी सहभागी होणार नाही, युवा सेना जिल्हा प्रमुख ललित जाट हे नेहमी पोलिस प्रशासन असो किवा इतर कोणतताही प्रशासकीय विषय असो नेहमी प्रशासनाला सहकार्य करण्याची भूमिका घेत असतात. अश्या वेळी अधिकाऱ्यांनी त्यांची भूमिका जाणून न घेता हेतु पुरस्सरपणे त्यांच्यावर गुन्हा दाखल केला आहे. हा गंभीर विषय असून यांची चौकशी करण्याची मागणी निवेदनाद्वारे करण्यात आली असून शिवसेना पक्षातर्फे पोलिस प्रशासनाचा त्रीव्र जाहिर निषेध करित असल्याचे यावेळी सांगण्यात आले. सदर निवेदनावर शिवसेना जिल्हाप्रमुख आमश्या पाडवी, जिल्हा संघटक लक्ष्मण वाडीले, तालुका प्रमुख जयप्रकाश परदेशी, शहर उप प्रमुख जितेंद्र लोहार, विजय चौधरी, भूषण जैन, राजेन्द्र टाक व शिवसैनीकांच्या सह्या आहेत .
