नंदूरबार l प्रतिनिधी
धडगाव नगरपंचायत सार्वत्रिक निवडणुकांमध्ये अनुसूचित जाती , अनुसूचित जमाती तसेच सर्वसाधारण पदांकरिता सुरु असलेल्या कार्यक्रमानुसार 21 डिसेंबर रोजी मतदान होणार असून 22 डिसेंबर रोजी होणारी मतमोजणी पुढे ढकलण्यात आली असून निवडणुकांची मतमोजणी आता दि .19 जानेवारी २०२२ रोजी होणार आहे
धडगाव वडफळ्या रोषमाळ बुद्रुक नगरपंचायतीसाठी २१ डिसेंबर रोजी मतदान होणार असून उद्या प्रचाराचा शेवटचा दिवस आहे. काँग्रेस, शिवसेना, भाजप तिन्ही पक्षांनी निवडणुकीत उडी घेतल्याने नगरपंचायतीसाठी तिरंगी लढत पाहायला मिळत आहे.धडगाव नगरपंचायतीच्या १७ जागांसाठी ४८ उमेदवार रिंगणात आहे. तीन पक्षांमध्ये तिरंगी लढत असून बाजी कोण मारणार याकडे सर्वांचे लक्ष लागून आहे. विशेष म्हणजे २१ डिसेंबर रोजी मतदान होऊन २२ डिसेंबर रोजी मतमोजणी होणार होती; परंतु ओबीसी आरक्षणामुळे मतमोजणीची तारीख २२ डिसेंबर ऐवजी १९ जानेवारी २०२२ रोजी होणार असल्याची माहिती निवडणूक अधिकारी चेतन गिरासे यांनी दिली आहे.
