तळोदा l प्रतिनिधी
तळोदा तालुक्यातील मोड शिवारातील केळीच्या शेतात बिबट्या मृतावस्थेत आढळून आल्याने एकच खळबळ उडाली.
मोड ता.तळोदा येथील प्रगतिशील शेतकरी डॉ. पुंडलिक राजपूत सर्वे नंबर 155 मध्ये बोरद रस्त्यावरील निर्झरी नदीच्या किनारी असलेल्या केळीच्या शेतात स्वतः मालकाला बिबट्या मृतावस्थेत आढळला त्यामुळे परिसरातील ऊस तोड मजूर केळी बागातदार मध्ये भितीचे वातावरण पसरले आहे. आज दि.17 डिसेंबर रोजी सकाळी नऊ वाजता डॉ. पुंडलिक राजपूत हे आपल्या शेतात केळीची लागवड केलेली होती.ती केळी पाहण्यासाठी केळी व्यापाऱ्याला घेऊन गेले.केळी दाखवायला गेले असता शेताच्या मध्यभागी बिबट्या मृतावस्थेत आढळून आल्याने केळी कापणारे मजूर, शेत मालक व व्यापारी शेताच्या बाहेर आले. लगेच त्यांनी तळोदा येथील वनविभागाकडे तक्रार केली. तळोदा येथील आर. एफ.ओ. श्री.रोडे, सहाय्यक वनरक्षक गांगुर्डे, वनपाल अर्चना लोहार, राणीपूर वनपाल बंडू पाटील, वनपाल एस.माळी, वनपाल जाधव, शरद नाईक, गिरधर पावरा, अर्चना खोपडे, आदी कर्मचारी शेतात येऊन त्यांनी पंचनामा केला.बिबट्याचा मृत्यू कशामुळे झाला हे समजू शकले नाही.
पशुवैद्यकीय अधिकारी डॉ. विश्वासराव नवले यांच्या पंचनामाप्रमाणे बिबट्याची लांबी 1.75 मीटर असून वय साधारण दिड वर्ष तसेच वजन साधारण 35 कि.लो. पर्यंत आहे. अजून खोल पहाणी केली असता बिबट्याच्या मानेवर जखमा होत्या त्यावरून दोन्ही बिबट्यांची एकमेकांमध्ये झुंबड झाल्याने मानेवर पंज्याच्या जखमा दिसून आल्या त्यामुळे बिबट्याला मृत होऊन साधारण चोवीस तास झाले असल्याची पंचनाम्यात सांगण्यात आले आहे. मृत बिबट्याचे अंत्यसंस्कार वनविभागाच्या देखरेखीखाली करण्यात आले.
