नंदूरबार येथे ट्रकच्या धडकेत दुचाकीस्वार ठार

नंदुरबार l प्रतिनिधी
नंदूरबार शहरातील करण चौफुलीजवळून भरधाव वेगाने जाणाऱ्या ट्रकने मोटारसायकलला धडक दिल्याने घडलेल्या अपघातात मोटारसायकलस्वार ठार झाल्याची घटना धडली.
याबाबत पोलीस सूत्रांनी दिलेल्या माहितीनुसार,उत्तरप्रदेशातील मथुरा येथील सत्यप्रकाश त्रिपालसिंह हा त्याच्या ताब्यातील ट्रक (क्र.एच.आर. ७३, ए.००७४) घेवून भरधाव वेगाने जात होता.त्याने रस्त्याच्या परिस्थितीकडे दुर्लक्ष करुन भरधाव वेगाने वाहन चालविले.नंदुरबार शहरातील करण चौफुली परिसरातून जात असतांना त्याने दुचाकी (क्र.एम.एच.३९ बी. ९०८६) ला समोरुन धडक दिली.घडलेल्या अपघातात दुचाकीस्वार इवने अली एनुलहक (वय ४५)यास गंभीर दुखापत झाल्याने तो जागीच ठार झाला.तसेच दुचाकीचेही नुकसान झाले आहे.याबाबत अनवर अली एनुलहक यांच्या फिर्यादीवरुन सत्यप्रकाश त्रिपालसिंह याच्याविरोधात नंदुरबार शहर पोलीस ठाण्यात भादंवि कलम ३०४(अ),२७९, ३३७,३३८,४२७ मोटार वाहन कायदा कलम १८४ प्रमाणे गुन्हा दाखल करण्यात आला आहे.पुढील तपास पोलीस उपनिरीक्षक प्रविण पाटील करत आहेत.