तळोदा l प्रतिनिधी
शहादा तळोदा मतदार संघाचे आमदार राजेश पाडवी यांनी तळोदा पेट्रोल पंपाजवळ कणकेश्वर महादेव मंदिरात ऊसउत्पादक चर्चासत्रांमध्ये ऊस उत्पादकांचा उसाला मिळणारा प्रति भाव हा मागील वर्षी पेक्षाही कमी असल्याने ऊस उत्पादकांनी नाराजी व्यक्त केली.
आयान शुगर फॅक्टरी उसाला प्रति टन भाव 2350 जाहीर केला तर सातपुडा कारखान्याने 2261 तर डोकारे कारखान्याने 2525 भाव प्रति टन ऊसाला जाहीर केला. मागील वर्षी पेक्षाही कमी भाव जाहीर केल्याने ऊस उत्पादकांमध्ये संतापाची लाट आहे. परिसरातील खांडसरी तर याहीपेक्षा कमी भाव देतील की काय यासंदर्भात संबंधित कारखाने व अधिकारी उसाला रिकव्हरी कमी येते म्हणून हा भाव जाहीर केल्याचे सांगितले असे उत्तर मिळते हे ऊस उत्पादकांनी सांगितले. यावर आमदार राजेश पाडवी यांनी यासंदर्भात जिल्हाधिकारी मनिषा खत्री यांना आपण ऊस उत्पादक निवेदन देऊन संबंधित कारखान्यात यांचे अधिकारी व ऊस उत्पादक यांचे समन्वयक बैठक घेऊन यावर जिल्हाधिकाऱ्यांच्या समोर भाव संदर्भातील मार्ग काढू या वर ऊस उत्पादकांनी उसाला प्रतिटन 2900 ते तीन हजारापर्यंत भाव मिळाला पाहिजे असे सांगितले तर आमदार राजेश पाडवी यांनी जर आपल्या म्हणण्यानुसार संबंधित कारखान्यांनी व खांडसरी मालकांनी उसाला भाव दिला नाही. तर माझ्या सहित आपण सर्व आंदोलन करू व रस्त्यावर उतरू यात सर्व ऊस उत्पादकांनी सहभाग घ्यावा असे आवाहन आमदार राजेश पाडवी यांनी केले.उसाला प्रति टन भाव चांगला मिळेपर्यंत आंदोलन करू या ऊस उत्पादकांच्या चर्चा सत्रात तालुक्यातील ऊस उत्पादक मोठ्या संख्येने हजर होते.
