करंजी खुर्द येथील १४ वर्षीय बालिकेवर बलात्कार, एकाविरूद्ध गुन्हा दाखल

नवापूर l प्रतिनिधी
करंजी खुर्द ता. नवापूर येथील १४ वर्षीय मुलीवर बलात्कार झाल्याची धक्कादायक घटना घडली आहे . उपचारासाठी मुलीला जिल्हा रुग्णालयात दाखल करण्यात आले आहे . याप्रकरणी एकाविरूद्ध नवापूर पोलिसात गुन्हा दाखल करण्यात आला आहे .
याबाबत पोलीस सूत्रांनुसार , नवापूर तालुक्यातील नवापाडा येथील रोहित नावाच्या युवकाने शनिवारी दुपारी दीड ते दोन वाजेच्या सुमारास १४ वर्षीय मुलीला मोटरसायकलवर बसवून फिरायला नेतो सांगत तीन टेबा परिसरात नेले . लालबारी परिसरातील उसाच्या शेतात नेऊन तिच्यावर बलात्कार केला . बालिकेला प्रचंड वेदना होत असल्याने तिला उपचारासाठी नवापूर उपजिल्हा रुग्णालयात दाखल करण्यात आले .त्यानंतर प्रकृती ढासळल्याने तिला नंदुरबार जिल्हा रुग्णालयात उपचारासाठी दाखल करण्यात आले . याबाबत नवापूर पोलीस ठाण्यात युवकाविरुद्ध बलात्कारासह बालकांच लैंगिक अत्याचारापासून संरक्षण अधिनियम प्रमाणे गुन्हा दाखल करण्यात आला आहे. संशयित आरोपी फरार आहे . याप्रकरणी पुढील तपास पोलीस उपनिरीक्षक मनोज पाटील करीत आहे .