उमर्दे बु. येथील माध्यमिक विद्यालयात भारतीय संविधान दिन उत्साहात साजरा

नंदुरबार l प्रतिनिधी
नंदुरबार तालुक्यातील उमर्दे बु. येथील माध्यमिक विद्यालयात भारतीय संविधान दिवस मोठ्या उत्साहात संपन्न झाला.
संविधान दिनानिमित्त शाळेत विविध कार्यक्रम आयोजित करण्यात आले होते. यात चित्रकला , रांगोळी स्पर्धा, निबंध स्पर्धा, , व वकृत्व स्पर्धा घेण्यात आल्या सदरील स्पर्धेत इयत्ता पाचवी ते दहावी विद्यार्थी-विद्यार्थिनींनी मोठ्या संख्येत सहभाग घेतला . कार्यक्रमाची सुरुवात भारतरत्न डॉ. बाबासाहेब आंबेडकर यांच्या प्रतिमेचे पूजन करून करण्यात आली त्या नंतर भारतीय संविधान उद्देशिकेचे सामुहिक वाचन करण्यात आले .मुख्याध्यापक अर्चना कोठावदे यांनी आपल्या भाषणातून संविधानाचे महत्त्व विद्यार्थ्यांना पटवून दिले.त्या नंतर माझे संविधान माझा अभिमान अंतर्गत विविध स्पर्धाचे आयोजन करून संविधान दिन मोठया उत्साहात साजरा करण्यात आला.या वेळी मुख्यध्यापिका अर्चना कोठावदे. दिपाली तांदळे.भाग्यश्री पाकले.प्रीती पाटील.जीवन माळी.कैलास पाटील भाऊसाहेब गिरासे.दिलीप राठोड आधी उपस्थित होते.