नंदुरबार जिल्ह्यात आज पुन्हा आढळला कोरोना रुग्ण

नंदुरबार l प्रतिनिधी
नंदुरबार शहरात काल दि.२४ नोव्हेंबर रोजी नंदुरबार शहरात एकाचा कोरोना अहवाल पॉझिटीव्ह आला होता. दरम्यान आज पुन्हा नवापूर तालुक्यातील एकाचा कोरोना अहवाल पॉझिटीव्ह आला आहे.
याबाबत अधिक माहिती अशी की, नंदुरबार शहरातील माळीवाडा येथील 1 व्यक्तीचा कोरोना अहवाल काल दि.२४ नोव्हेंबर रोजी पॉझिटीव्ह आला होता.तब्बल 10 दिवसानंतर कोरोना रुग्ण आढळला होता.दरम्यान प्रशासनातर्फे 376 जणांची आरटीपीसीआर चाचणी केली होती. आज 25 नोव्हेंबर रोजी त्याचा अहवाल प्राप्त झाला त्यात नवापूर तालुक्यातील बोरचक येथील एकाचा कोरोना अहवाल पॉझिटीव्ह आला आहे.त्यामुळे नंदुरबार तालुक्या पाठोपाठ नवापूर तालुक्यातही कोरोना रुग्ण आढळला आहे.
दरम्यान सध्या लग्न सराईचे दिवस असल्याने कोरोनाचा धोका वाढू शकतो त्यामुळे नागरिकांनी प्रशासनाच्या सूचनांचे पालन करणे आवश्यक आहे.