महात्मा ज्योतिराव फुले शिक्षक परिषद, महाराष्ट्र ही संस्था राज्यातील विविध भागातील ज्या शिक्षकांनी शैक्षणिक, सामाजिक व राष्ट्रीय कार्य या क्षेत्रात उल्लेखनीय व भरीव कार्य केले आहे.अश्या गुणवंत शिक्षकांची निवड करून त्यांना संस्थेच्या वतीने राष्ट्रीय शिक्षक पुरस्कार देऊन गौरवण्यात येते. त्याबद्दल नुकताच या संस्थेचा या वर्षीच्या राष्ट्रीय शिक्षक पुरस्कार प्रदान सोहळा शेगाव येथील कान्हा लॉन्स येथे माजी खा.ब्रिगेडियर सुधीर सावंत, शिक्षक परिषदेचे कार्याध्यक्ष श्री व्यंकटराव जाधव यांच्यासह परिषदेच्या पदाधिकार्यांच्या उपस्थितीत पार पडला. या कार्यक्रमात महिला महाविद्यालयातील भूगोल विभाग प्रमुख डॉ सुनील विक्रम कुवर यांना राष्ट्रीय शिक्षक पुरस्कार देऊन गौरविण्यात आले.डॉ सुनील कुवर यांनी रा. से. यो. माध्यमातून उत्तम कार्य उभे केले बद्दल त्यांना उत्कृष्ट कार्यक्रम अधिकारी व एककास उत्कृष्ट रा.से.यो.या एकक म्हणून विद्यापीठाकडून गौरवण्यात आले होते.डॉ कुवर हे पीएचडीचे मार्गदर्शक असून विविध राष्ट्रीय व आंतरराष्ट्रीय परिषदेत त्यांनी सहभाग नोंदवला असून संशोधन लेख सादर केले आहे.या यशाबद्दल डॉ सुनील कुवर यांचे ट्रायबल एज्युकेशन सोसायटी चेअरमन प्रा इंद्रसिंग वसावे, महिला महाविद्यालयाचे प्राचार्य डॉ.डी.एस.पाटील, सर्व शिक्षक शिक्षकेतर कर्मचारी, यांच्याकडून तसेच विद्यार्थी वर्ग व समाजातून अभिनंदन होत आहे.
