नंदुरबार | प्रतिनिधी
धुळे व नंदुरबार जिल्हा स्थानिक स्वराज्य संस्था विधान परिषदेच्या जागेसाठी दि. १० डिसेंबरला मतदान होणार आहे .भाजपच्या महाराष्ट्र कोअर कमिटीची बैठकीत भाजपकडून आमदार अमरीश पटेल यांच्या नावावर शिक्कामोर्तब झाले आहे . तर अर्ज दाखल करण्यासाठी दोन दिवस बाकी असतांना विरोधी गटातर्फे उमेदवाराचे नाव घोषित झालेले नाही . निवडणुकीसाठी उमेदवारी अर्ज दाखल करण्याची शेवटची मुदत २३ नोव्हेंबर आहे .मात्र कॉंग्रेसनेही निवडणूक लढवण्याबाबत हालचाली सुरू केल्या आहेत. यासाठी नंदुरबार व धुळे जिल्ह्यातून काही नावेही कॉंग्रेस निवडणूक समितीने मागविली आहे. त्यानुसार नंदुरबार जिल्ह्यातून जिल्हा कॉंग्रेसचे कार्यध्यक्ष दिलीप नाईक, जिल्हा परिषद सदस्य हेमलता शितोळे, तळोदा येथील माजी उपनगराध्यक्ष व गटनेते गौरव वाणी यांच्या नावाबरोबरच धुळ्याचे जिल्हाध्यक्ष श्याम सनेर यांच्या नावाची चर्चा असुन या सर्वांना अर्ज भरण्याकामी लागणारी सर्व कागदपत्रे तयार ठेवण्याचे आदेशही देण्यात आल्याचे सांगितले जात आहे.
निवडणुकीची अधिसूचना प्रसिद्ध झाली . तसेच अर्ज भरण्याची विद्यमान प्रक्रियाही सुरू झाली . धुळे व नंदुरबार जिल्हा स्थानिक स्वराज्य संस्था विधान परिषदेच्या जागेसाठी दि. १० डिसेंबरला मतदान होणार आहे .निवडणुकीसाठी उमेदवारी अर्ज दाखल करण्याची शेवटची मुदत २३ नोव्हेंबर आहे .अर्ज भरण्याची विद्यमान प्रक्रियाही सुरू झाली . पहिल्या दिवशी एकही अर्ज दाखल झाला नाही .दरम्यान माजी मुख्यमंत्री देवेंद्र फडणवीस यांच्या मुंबईतील निवासस्थानी केंद्रीय मंत्री पीयूष गोयल यांच्या उपस्थितीत भाजपच्या महाराष्ट्र कोअर कमिटीची बैठक झाली . बैठकीत धुळे – नंदुरबार स्थानिक स्वराज्य संस्था विधान परिषदेच्या जागेसाठी विद्यमान आमदार अमरीश पटेल यांच्या नावावर शिक्कामोर्तब झाले . विरोधकांकडून अद्याप अधिकृत भूमिका जाहीर झालेली नाही . निवडणुकीसाठी उमेदवारी अर्ज दाखल करण्याची शेवटची मुदत दि.२३ नोव्हेंबर आहे . तथापि कॉंग्रेस चा उमेदवार अजूनही निश्चित झालेला नाही. सहाजिकच ही निवडणूक बिनविरोध होण्याची अटकळ बांधली जात असतांना कॉंग्रेसनेही निवडणूक लढवण्याबाबत हालचाली सुरू केल्या आहेत. यासाठी नंदुरबार व धुळे जिल्ह्यातून काही नावेही कॉंग्रेस निवडणूक समितीने मागविली आहे. त्यानुसार नंदुरबार जिल्ह्यातून जिल्हा कॉंग्रेस चे कार्यध्यक्ष दिलीप नाईक, जिल्हा परिषद सदस्य हेमलता शितोळे, तळोदा येथील माजी उपनगराध्यक्ष व गटनेते गौरव वाणी यांच्या नावाबरोबरच धुळ्याचे जिल्हाध्यक्ष श्याम सनेर यांच्या नावाची चर्चा असुन या सर्वांना अर्ज भरण्याकामी लागणारी सर्व कागदपत्रे तयार ठेवण्याचे आदेशही देण्यात आल्याचे सांगितले जात आहे. दरम्यान तळोदा नगरपालिकेचे कॉंग्रेसचे गटनेते गौरव वाणी यांच्याशी संपर्क केला असता त्यांनी निवडणुकीसाठी कागदपत्रे तयार ठेवण्याचे आदेश मिळाले असल्याचे सांगितले.
धुळे व नंदुरबार जिल्ह्यात दहा मतदान केंद्र करण्यात आली आहेत . प्रत्येक तालुक्याच्या ठिकाणी तहसील कार्यालयात मतदान केंद्र असनार आहे.
