नंदुरबार l प्रतिनिधी
नंदुरबार शहरातील कल्याणी रेसिडेन्सीत घरफोडी करीत चोरट्याने १३ हजाराचा ऐवज लंपास केला.
याबाबत पोलिस सूत्रांनी दिलेल्या माहितीनूसार, नंदुरबार येथील रामेश्वर भिमराव राऊत यांच्या कल्याणी रेसिडेन्सी येथील घर चोरट्यांनी फोडले. घरातून ११ हजार रुपयांची रोकड व २ हजार रुपये किंमतीची चांदीची वस्तू असा एकूण १३ हजाराचा ऐवज लंपास केला. याबाबत रामेश्वर राऊत यांच्या फिर्यादीवरुन उपनगर पोलिस ठाण्यात अज्ञाताविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास पोहेकॉ.जगदाळे करीत आहेत.
