तळोदा । प्रतिनिधी
तळोदा येथील याहा मोगी ग्रुपतर्फे प्रभाग क्र.५ मधील नागरिकांचे कोरोना प्रतिबंधात्मक लसीकरण बद्दल असलेले गैरसमज दूर करून जनजागृती करून तळोदा येथील जि.प. शाळा क्र.५ येथे लसीकरण शिबीर घेण्यात आले. यावेळी २६८ जणांचे लसीकरण करण्यात आले.
यावेळी तहसिलदार गिरीष वखारे यांच्या हस्ते प्रतिमा पूजन करून लसीकरण शिबिरास सुरुवात करण्यात आली. याप्रसंगी मुख्याधिकारी सपना वसावा, तालुका वैद्यकीय अधिकारी डॉ. महेंद्र चव्हाण, न.प.बांधकाम सभापती सुरेश पाडवी, नगरसेवक रामानंद ठाकरे, जि.प.शाळेचे शिक्षक वर्ग, नगर परिषदेचे कर्मचारी तसेच याहा मोगी ग्रुपचे अध्यक्ष राजू पाडवी, उपाध्यक्ष जगदिश पाडवी, सचिव अनिल पाडवी, रवि पाडवी, सुनिल धानका, संजु पाडवी, सचिन पाडवी आदी उपस्थित होते.
