नंदुरबार l प्रतिनिधी-
भाजपा महायुतीचे उमेदवार मंत्री डॉक्टर विजयकुमार गावित यांनी सलग तिसऱ्या दिवशी नंदुरबार शहरातून काढलेली प्रचार फेरी खरोखर झंजावाती ठरली. विविध प्रकारची निवडणूक गीते, जागो जागी फडकणारे भगवे झेंडे, लाडक्या बहिणीं प्रमाणेच युवकांची मोठ्या संख्येने उपस्थिती, त्या त्या भागातील मान्यवरांनी घेतलेला उत्स्फूर्त सहभाग आणि प्रत्येक चौकात प्रत्येक ठिकाणी डॉक्टर विजयकुमार गावित यांच्यासह मान्यवरांचे होणारे उत्स्फूर्त स्वागत हे या रॅलीचे मोठे वैशिष्ट्य ठरले. नंदुरबार शहरात भाजपा महायुतीच्या वातावरण निर्मितीने उंची गाठलेली दिसली.
मंगळवार दिनांक 12 नोव्हेंबर 2025 रोजी नंदुरबार शहरातील मध्यवर्ती प्रमुख भागात मतदारांशी संपर्क साधण्यासाठी त्यांनी प्रचार फेरी काढली. मतदारांकडून त्याला मोठा प्रतिसाद लाभल्याचे पहायला मिळाले. मागील तीस वर्षापासून चालू असलेला नंदुरबार शहराचा आणि जिल्ह्याचा विकास कायम राखण्यासाठी डॉक्टर विजयकुमार गावित यांच्यासारख्या दूरदृष्टीच्या नेत्यालाच पुन्हा निवडून द्या, असे आवाहन प्रचार फेरीतील पदाधिकारी करताना दिसले.
त्यांच्या समवेत भाजपाचे तालुका अध्यक्ष जे एन पाटील, डॉक्टर विक्रांत मोरे, माजी उपनगराध्यक्ष श्याम बापू मराठे, माजी गट नेते चारुदत्त कळवणकर, मोहन खानवाणी, आनंद माळी, लक्ष्मण माळी, माणिक माळी, नरेंद्र माळी, संतोष भाऊ वसईकर, रिपब्लिकन पार्टीचे सुभाष पान पाटील, केतनभैया रघुवंशी, धनराज गवळी, पावभा मराठे, जिल्हा महामंत्री सदानंद रघुवंशी, भाजपाचे ज्येष्ठ कार्यकर्ते प्रकाश छगन चौधरी, ईश्वर धामणे, आदिवासी सेवक पुरस्कार प्राप्त युवराज पाटील, जगदीश पाटील, संजू भाई शहा, जितेंद्र मराठे, योगेश पाटील, सपना अग्रवाल, संगीता सोनवणे, काजल मच्छले, सरिता चौधरी, दिव्या जोशी, रत्ना चौधरी, सुरेखा पाटील, अर्जुन मराठे, निलेश चौधरी व अन्य कार्यकर्ते पदाधिकारी व नागरिक सहभागी होते.
दरम्यान, सकाळच्या सत्रात मोठा मारुती मंदिर, शक्ती सागर मंडळ, अमर टॉकीज अमृत टॉकीज गोकुळ लस्सी छत्रपती पुतळा पूजन इंदिरा बँक सुभाष चौक सतलज हॉटेल हनुमान व्यायाम शाळा सिद्धी विनायक मंदिर बुरुड गल्ली भोई गल्ली चैतन्य चौक चौव्हाण चौक, राणी लक्ष्मीबाई चौक,
डॉ. बाबासाहेब आंबेडकर चौक, कोहिनुर टॉकीज, जळका बाजार शिवाजी चौक तयकील वाडी तांबोडी गल्ली सुरभी हॉटेल, न्यू इंडिया स्टोर्स तूप बाजार, माणिक चौक, कापड बाजार 1 नंबर शाळा, नवी नगर पालिका नेहरु पुतळा गांधी पुतळा हाट दरवाजा गणपती मंदिर, सोनार खुंट जुने श्री ज्वेलर ब्राम्हण वाडी या परिसरात प्रचार फेरी काढण्यात आली. नंतर दुपारच्या सत्रात विरल विहार, सार्वजनिक गणेश मंडळ, काका पतपेढी, परदेशी पुरा, शेतकीसंघ, मारुती व्यायाम शाळा, रायसिंग पुरा, पोरवालवाडी या भागातून प्रचार फेरी काढण्यात आली.
