नंदुरबार l प्रतिनिधी
महाविकास आघाडीच्या उमेदवारांच्या प्रचारासाठी काँग्रेसचे नेते – तथा लोकसभेतील विरोधी पक्षनेते – खासदार राहुल गांधी यांची गुरुवार,१४ नोव्हेंबर रोजी नंदुरबारात जाहीर सभा आयोजित करण्यात आली आहे.
याबाबत पत्रकार परिषदेत जिल्हा पदाधिकारी दिलीप नाईक यांनी माहिती दिली. नंदुरबार लोकसभा – मतदारसंघांतर्गत येणाऱ्या सहाही • विधानसभा मतदारसंघांतील – महाविकास आघाडीच्या उमेदवारांच्या प्रचारासाठी खासदार राहुल गांधी यांची जाहीर प्रचार सभा नंदूरबारात होत आहे.
गुरुवार, १४ रोजी सकाळी ११ वाजता वळण रस्त्यावरील छत्रपती मल्टिस्पेशालिटी हॉस्पिटलच्या बाजूच्या मैदानावर ही सभा होणार आहे. खासदार गांधी यांच्यासह कॉग्रेसचे महासचिव तथा राज्य प्रभारी रमेश चेन्नीथला, राज्याचे विरोधी पक्षनेते विजय वडेट्टीवार, गटनेते आमदार बाळासाहेब थोरात यांच्यासह इतर नेते उपस्थित राहणार आहेत. साधारणतः दीड तास खासदार गांधी हे सभेनिमित्त नंदुरबारात थांबतील. यावेळी पक्षाचे नेते मणिलाल जाट, मध्य प्रदेशचे आमदार बाला बच्चन उपस्थित होते.
