नंदुरबार l प्रतिनिधी-
नंदुरबार जिल्ह्याला औद्योगिक घटकासाठी विद्युत शुल्क माफी मिळावी अशी मागणीचे निवेदन लघु उद्योग भारतीतर्फे उपमुख्यमंत्री देवेंद्र फडणवीस यांना देण्यात आले.
या निवेदनात म्हटले आहे की, मुख्यमंत्री यांच्या अध्यक्षतेखाली झालेल्या मंत्रिमंडळ बैठकीत मंत्री मंडळाने औद्योगिक घटकासाठी महाराष्ट्र विद्युत शुल्क अधिनियम २०१६ अंतर्गत मराठवाडा व विदर्भासाठी विद्युत शुल्कात ५% सूट देण्याचे जाहीर केले आहे.
विदर्भ व मराठवाड्यासारखी सूट खान्देश मधील नंदुरबार जिल्हातील लघु उद्योग चालवणाऱ्या नागरिकांनी देखील मिळावी अशी मागणी लघु उद्योग भारती नंदुरबार जिल्ह्याच्या वतीने करण्यात आली आहे.
नंदुरबार जिल्हा हा आदिवासी बहुल (आकांक्षित) जिल्हा आहे नंदुरबार जिल्यात अनेक प्रकारच्या समस्या असल्याकारणाने नंदुरबार जिल्हा विकासापासून वंचित आहे .त्यातच जिल्ह्यात बेरोजगारी असल्यामुळे अनेकांना रोजंदारीसाठी गुजरात राज्यात स्थलांतर करावे लागते तर काही नागरिक लहान उदयोग करून आपला उदरनिर्वाह करत असतात.
नंदुरबार जिल्ह्यात उत्पन्नाचे साधन कमी असल्याने जिल्हातील नागरिकांना आर्थिक टंचाईचा सामना करावा लागतो त्यामुळे शासनाच्या वतीने मराठवाडा व विदर्भासाठी ज्या प्रमाणे लहान उद्योग चालवणाऱ्या औद्योगिक घटकांना विद्युत शुल्कात 5 टक्के सूट देण्यात आली आहे .
अशी सूट नंदुरबार जिल्ह्यातील आद्योगिक घटकांना देखील देण्यात यावी. जेणेकरून लहान उदयोग करणारे ओद्योगिक व व्यायवसायिक मुख्य प्रवाहात येतील व नंदुरबार सारख्या आदिवासी बहुल जिल्ह्याला न्याय मिळेल.सदर मागणीचे निवेदन लघुउद्योग भारती नंदुरबार जिल्ह्याच्या वतीने राज्याचे उपमुख्यमंत्री व ऊर्जामंत्री देवेंद्र फडणवीस यांना भेटून देण्यात आले आहे . यावेळी लघुउदयोग भारती नंदुरबार जिल्ह्याचे जिल्हाध्यक्ष गजेंद्र चौधरी व भाजपाचे महामंत्री विजय चौधरी उपस्थित होते..
