नंदुरबार l प्रतिनिधी-
यापुढे आश्रम शाळेतील एकाही विद्यार्थ्यांचा प्राणी हल्ल्यात बळी जाऊ नये म्हणून दक्षता घेणार असल्याचे लोय आश्रम शाळेच्या भेटीत मंत्री नामदार डॉक्टर विजयकुमार गावित यांनी ग्वाही दिली.
नंदुरबार तालुक्यातील लोय आश्रम शाळेत शौचालयासाठी गेलेल्या विद्यार्थ्यावर बिबट्याने हल्ला करून ठार केल्याची घटना गुरुवारी सकाळी सहाच्या सुमारास घडली होती. 31 ऑगस्ट रोजी शनिवारी आदिवासी विकास मंत्री नामदार डॉक्टर विजयकुमार गावित यांनी लोय आश्रम शाळेत जाऊन घटनास्थळाची पाहणी केली यावेळी त्यांच्यासोबत जिल्हा परिषद अध्यक्ष डॉक्टर सुप्रिया गावित भाजपा राष्ट्रीय प्रवक्ता तथा माजी खासदार डॉक्टर हिना गावित, प्रकल्प अधिकारी चंद्रकांत पवार, आश्रम शाळेचे मुख्याध्यापक राजेंद्र माळी शिक्षक नंदुरबार वनविभागाचे अधिकारी कर्मचारी आदी उपस्थित होते.
