नंदुरबार l प्रतिनिधी
मुख्यमंत्री एकनाथ शिंदे यांच्या नेतृत्वाखाली शासनाकडून अनेक महत्त्वकांशी योजना राबविण्यात येत आहेत. त्या योजना जिल्ह्यातील नागरिकांपर्यंत पोहोचवा त्याचप्रमाणे जास्तीत जास्त नागरिकांपर्यंत पोहोचून शिवसेनेची सदस्यता नोंदणी करून घ्यावी असे आवाहन धुळे-नंदुरबार जिल्हा संपर्कप्रमुख तथा माजी आमदार चंद्रकांत रघुवंशी यांनी केले.
शासनाच्या विविध योजना नागरिकांपर्यंत पोहोचाव्यात तसेच सध्या सुरू असलेल्या शिवसेनेच्या सदस्य नोंदणी अभियान यशस्वी करण्यासाठी आमदार कार्यालयात नंदुरबार तालुक्यातील विविध गावातील सरपंचांची बैठक घेण्यात आली त्याप्रसंगी माजी आमदार रघुवंशी बोलत होते. यावेळी शिवसेना जिल्हाप्रमुख ॲड राम रघुवंशी,पं.स सभापती अंजना वसावे,शेतकरी सहकारी संघाचे चेअरमन बी.के पाटील,पं.स उपसभापती संतोष साबळे,जि.प माजी अध्यक्ष वकील पाटील, जि.प देवमन पवार,बाजार समितीचे संचालक विक्रमसिंह वळवी यांच्यासह विविध गावांचे सरपंच उपस्थित होते.
यावेळी मार्गदर्शन करतांना माजी आ.चंद्रकांत रघुवंशी म्हणाले, मुख्यमंत्री लाडकी बहीण योजनेचे फॉर्म भरून घेण्यासाठी आमदार कार्यालयात नोंदणीची सुविधा करण्यात आलेली आहे. सरपंचांनी देखील आपापल्या गावांमध्ये महिलांमध्ये योजनेची जनजागृती करावी. जास्तीत जास्त महिलांचे फॉर्म भरून घेण्यात यावेत.
सदस्यता नोंदणी यशस्वी करा; संपर्कप्रमुख चंद्रकांत रघुवंशी
सध्या शिवसेनेची सदस्य नोंदणी अभियान सुरू आहे. शिवसेनेचे कार्य जिल्ह्यातील नागरिकांपर्यंत पोहोचवून त्यांना सदस्य करून घ्या. गाव पातळीवर कार्यकर्त्यांनी शिवसेनेचे विचार पोहोचवण्यासाठी प्रयत्न करून सदस्यता नोंदणी अभियान यशस्वी करावे असे आवाहन संपर्कप्रमुख चंद्रकांत रघुवंशी यांनी केले आहे.