नंदुरबार l प्रतिनिधी
जिल्हा अधिक्षक कृषि अधिकारी, उपविभागीय कृषि अधिकारी, , तालुका कृषी अधिकारी यांच्या मार्गदर्शनाखाली मंडळ कृषी अधिकारी कार्यालय धानोरा यांच्यातर्फे नंदुरबार तालुक्यातील कोठली खु.येथे कृषि संजिवनी पंधरवाडानिमित्त कृषि महिला शेतकरी सन्मान दिवस साजरा करण्यात आला.
नी कृषि विभागामार्फत कृषि संजिवनी पंधरवाडा साजरा करण्यात येत असुन या कालावधीत गावागावात शेतकऱ्यांना सभा, मेळावे, गांव बैठका, शिवार फेरी या माध्यमातुन मार्गदर्शन करण्यात येत आहे. या पंधरवडयातीलच दि.27 जून रोजी नियोजित कृषि महिला शेतकरी सन्मान दिवस कोठली खु. या ठिकाणी साजरा करण्यात आला या कार्यक्रमास प्रगतशिल, प्रयोगशिल महिला शेतकरी, कृषि क्षेत्रात, कृषि पुरक क्षेत्रात उल्लेखनीय कार्य करत आपली प्रगती साधत आपले कार्य इतरांना आदर्श ठरावे अश्या महिला शेतकऱ्यांचा सन्मान करण्यात आला.
याप्रसंगी सन्मानार्थी महिला शेतकऱ्यांनी आपल्या मनोगतात सन्मानाबद्ल आभार व्यक्त करत आपल्या कार्याची माहिती इतरांना दिली. यावेळी कृषि पर्यवेक्षक धानोरा हेमंतकुमार लाड यांनी सन्मानार्थींचे अभिनंदन करत उपस्थितांना मार्गदर्शन करतांना महिलांनी आता कोणत्याच क्षेत्रात मागे न राहता सर्वच ठिकाणी आपली प्रगती करावी, कृषि विभागात महिलांसाठी असलेल्या योजनांचा अधिकाधिक लाभ घेत आपली प्रगती साधावी, महिला शेतकऱ्यांकरीता शासनाचे पुरस्कार, शेतीकामातील कष्ट कमी करण्यासाठी उपलब्ध सुधारीत यंत्र- सामुग्रीचा अवलंब करावा या करीता कृषि विभातील कृषि यांत्रिकीकरण योजनेचा सर्वांनी लाभ घ्यावा, आदी विषयांवर माहिती दिली.
याप्रसंगी कृषि पर्यावेक्षक धानोरा आर.टी.पाटील यांनीही मार्गदर्शन केले.या कार्यक्रमास कोठली खु, निमगांव, वागशेपा, गुजर जांभोली, लोय व परिसरातील महिला शेतकरी, महिला गटाचे सदस्य उपस्थित होते. कार्यक्रम आयोजनात तालुका कृषि अधिकारी विश्वजीत पाडवी व मंडळ कृषि अधिकारी धानोरा पुरूषोत्तम धनगर यांचे मार्गदर्शन लाभले. सुत्रसंचालन कृषि सहाय्यक काशिनाथ चौधरी यांनी तर आभार कृषि सहाय्यक मनोज कोकणी यांनी मानले. कार्यक्रम यशस्वीतेसाठी कृषि सहाय्यक स्नेहलकुमार पाडवी, संग्राम पाडवी, शशिकला कोकणी व अश्विनी वळवी यांनी परिश्रम घेतले.