नंदुरबार l प्रतिनिधी
ईद-उल-अजहा अर्थात बकरी ईद निमित्त शिवसेनेचे संपर्कप्रमुख तथा माजी आमदार चंद्रकांत रघुवंशी यांनी मुस्लिम बांधवांना ईदगाह मैदानावर शुभेच्छा दिल्या.
नंदुरबार येथील धानोरा रस्ता परिसरातील ईदगाह मैदानावर बकरी ईद निमित्त सकाळी ८ वाजता सामूहिक नमाज पठण करण्यात आले. त्यानंतर शिवसेनेचे (शिंदे गट) संपर्कप्रमुख तथा माजी आमदार चंद्रकांत रघुवंशी यांनी मुस्लिम बांधवांना ईदगाह मैदानावर शुभेच्छा दिल्या. यावेळी माजी उपनगराध्यक्ष कुणाल वसावे, माजी उपनगराध्यक्ष परवेज खान,माजी पाणीपुरवठा सभापती कैलास पाटील,सामाजिक कार्यकर्ते किरण तडवी,निंबा माळी आदी उपस्थित होते.
