नंदुरबार l प्रतिनिधी
“विरोधकांच्या खोट्या प्रचाराला बळी पडलेल्या मतदारांनी विरोधी भूमिका निभावल्याने नंदुरबार लोकसभा मतदारसंघातच नव्हे तर देशभरातील अनेक उमेदवारांना फटका बसल्याचे पहायला मिळाले. तथापि जनतेने दिलेला कौल आम्हाला मान्य असून जनमताचा आम्ही आदर करतो. ही झालेली निवडणूक काही शेवटची निवडणूक नाही. तेवढ्याने आमचे जनसेवेचे काम थांबणार नाही. मतदार संघातील जनविकासासाठी कालपर्यंत जसे काम केले तसेच यापुढेही चालू राहील. माझ्या प्रचारासाठी झटलेले कार्यकर्ते पदाधिकारी आणि हितचिंतक यांची तसेच मला एवढ्या मोठ्या प्रमाणात मत देऊन माझ्या विकास कार्यावर विश्वास व्यक्त करणाऱ्या मतदारांचेही मी आभार मानते” असे प्रतिपादन डॉ. हिना गावित यांनी केले
