नंदुरबार l प्रतिनिधी
सारंगखेडा व कळंबूच्या रस्त्यावर बस व मोटरसायकली मध्ये भीषण अपघात झाला असून या त एक जण ठार तर दोन जण जखमी झाल्याची घटना घडली आहे. याप्रकरणी बस चालकाविरुद्ध गुन्हा दाखल करण्यात आला आहे.
सारंगखेडा व कळंबूच्या रस्त्यावरून नेहमी प्रमाणे दोंडाईचा जयनगर मार्गे पानसेमल बस ही जात असताना मोटर सायकल ( क्र.MH. 39.AF.7457) हिच्यावर
राजू झुलाल देवरे वय(50) वर्षे व त्यांची पत्नी कलाबाई राजू देवरे वय( 45) वर्ष यांची नात माऊ वय ( 2) वर्षे हे आपल्या कळबू गावाहून आपली नात माऊलीला दवाखान्यात नेत असताना समोरून येणारी दोंडाईचा जयनगर पानसेमल बस (क्र. MH. 20. BL. 0711) या बसने मोटरसायकलीला जोरदार धडक दिल्याने भीषण अपघात घडला.
हा अपघात एवढा भीषण होता की राजू देवरे यांचा दुर्दैवी मृत्यू झाला असून यातअपघातात मोटर सायकलीचे खूप नुकसान झाले आहे. व त्यांची पत्नी कलाबाई राजू देवरे व त्यांची नात माऊ यांची देखील तब्येत चिंताजनक असल्याची माहिती समोर येत आहे. सदरील अपघाताची माहिती मिळतात घटनास्थळी सारंगखेडा येथील पोलीस निरीक्षक योगेश चौधरी, यांनी पंचनामा करत सदर बस पोलीस ठाण्यात आणली. यावेळी पोलीस नाईक राजू वळवी,राजपूत पोलीस आधी पोलीस कर्मचारी घटनास्थळी दाखल होऊन पुढील कार्यवाही केली. अधिक पुढील तपास सारंगखेडा पोलीस निरीक्षक योगेश चौधरी करीत आहे.
