नंदुरबार l प्रतिनिधी
थोर योद्धा वीर शिरोमणी महाराणा प्रताप सिंह यांच्या 484 जयंती निमित्त महाराणा प्रताप युवक मंडळातर्फे आयोजित अभिवादन कार्यक्रमास आदिवासी विकास मंत्री डॉ. विजयकुमार गावित यांनी अश्वारूढ पुतळ्यास पुष्प अर्पण केले.
याप्रसंगी मंत्री डॉ. विजयकुमार गावित यांनी सांगितले की, राजपूत समाजासह आदिवासी आणि सर्वच घटकातील समाज बांधवांना प्रेरणादायी असलेले महाराणा प्रताप यांचे कार्य इतिहासात उल्लेखनीय ठरले आहे आणि त्याप्रमाणे समाजाने मार्गक्रमण करावे. तसेच शहादा येथे राजपूत समाजातर्फे महाराणा प्रताप सिंह यांच्या स्मारकासाठी मागण्यात आलेल्या जागेवर लवकरच स्मारक उभारण्यात येईल असे डॉ. विजयकुमार गावित यांनी आश्वासन दिले.
श्री महाराणा प्रताप युवक मंडळ आणि राजपूत समाजातर्फे आयोजित अभिवादन कार्यक्रमास डॉ. विक्रांत मोरे, राजपूत समाजाचे अध्यक्ष मोहिनीराज राजपूत, ज्येष्ठ पत्रकार सूर्यभान राजपूत, सहसंपादक जितेंद्रसिंग राजपूत, कार्यकारी संपादक सदाशिव राजपूत, महाराणा प्रताप मंडळाचे अध्यक्ष अजयसिंग राजपूत, राज्य कर्मचारी महासंघाचे उपाध्यक्ष रणजीत सिंग राजपूत, प्रताप राजपूत, गणेश राजपूत, डॉ. मोठाभाऊ राजपूत, ॲड अविनाश राजपूत(पाटील), ईश्वर धामणे, मनोज चव्हाण यांच्यासह राजपूत समाज बांधव मोठ्या संख्येने उपस्थित होते.