मोलगी l प्रतिनिधी
अक्कलकुवा तालुक्यातील अतिदुर्गम भागातील केवडी ते वडफळी रस्त्यावर नाल्यात वाहन जाऊन पडल्याने या अपघातात 2 ठार 18 जण जखमी झाल्याची घटना घडली आहे.
अधिक माहिती अशी की, 25 एप्रिल रोजी रात्री दहा वाजेच्या सुमारास केवडी ते वडफळी दरम्यान फाकला नदीच्या पात्रात वाहन (क्र.एम.एच.20, वाय ८२०२) वरील चालकाचे गाडीवरील नियंत्रण सुटल्याने भरधाव वेगात असलेली गाडी नदीपात्रात कोसळून सदर अपघात घडून आला.
या अपघातात सोनीबाई पिसा पाडवी(वय 45) व नारसिंग पिसा पाडवी (वय 32) रा. आगरी ता. धडगाव हे दोन्ही ठार झाले असून सायसिंग पिसा पाडवी, शकीला सायसिंग पाडवी, शरद सायसिंग पाडवी, स्वरूपसिंग बोट्या पटले ,आमश्या पांगल्या पाडवी, टेंबऱ्या बुट्ट्या पाडवी, गीता आमश्या पाडवी, जेनीबाई पिंट्या पटले ,जालूबाई रूमाल्या पटले, कविता बुल्या पटले, साख-या काल्या पटले, पिंट्या बुल्या पटले, सायसिंग पिसा पाडवी, रमेश काकडा पाडवी, मागत्या बुट्या पाडवी, जानुबाई दमण्या वसावे, विकी बाई बुट्या पटले, पिसा कागडा पाडवी सर्व रा. आगरी, ता. धडगाव हे जखमी झाले.
याप्रकरणी मोलगी पोलीस ठाण्यात सोनश्या परशा वळवी रा.आगरी, ता.धडगाव यांच्या फिर्यादीवरून गाडी मालक अनिल खाअल्या वळवी रा.आगरी, ता.धडगाव यांच्या विरुद्ध भादवी कलम 304 अ, 337, 338 मोटार वाहन कायदा कलम 184 प्रमाणे गुन्हा दाखल करण्यात आला असून याबाबत यांनी फिर्याद दाखल केली आहे. सदर घटनेच्या पुढील तपास सागर गाडी लोहार हे करीत आहेत.
